ମୁମ୍ବାଇ : କମେଡି vs ଆକ୍ସନ । ଦୁଇଟି ପାର୍ଟ ଟୁ, ଦୁଇଟି ବହୁ ପ୍ରତିକ୍ଷିତ ଫିଲ୍ମ । ଏବର୍ଷର ଦୁଇଟି ମୋଷ୍ଟ ଆୱେଟେଡ୍ ଫିଲ୍ମ ରିଲିଜ୍ ହୋଇଛି । ପରଦାକୁ ଆସିଛି ସନ୍ନି ପାଜିଙ୍କ ଗଦରର ସିକ୍ୱେଲ୍ ଗଦର ପାର୍ଟ-୨ । ପୁଣି ଥରେ ପାକିସ୍ତାନ ଯାଇ ତାରା ସିଂହ ମଚାଇଛନ୍ତି ଗଦର । ଭାଙ୍ଗିଛନ୍ତି, ଉପାଡ଼ିଛନ୍ତି, ଗୋଡ଼ାଇ ଗୋଡ଼ାଇ ପିଟିଛନ୍ତି । ଭାରତୀୟ ସିନେମାର ସବୁଠୁ ବଡ଼ ଆକ୍ସନ୍ ଫିଲ୍ମ ଭାବେ ୨୦୦୧ରେ ରିଲିଜ୍ ହୋଇଥିବା ଗଦରକୁ ପୁଣି ଥରେ ଦେଖିବାକୁ ସିନେମା ପ୍ରେମୀଙ୍କ ମଧ୍ୟରେ ନାହିଁ ନଥିବା ଉତ୍ସାହ । ୨୨ ବର୍ଷ ପରେ ବଲିଉଡ୍ର ଦମ୍ଦାର ଅଭିନେତା ସନ୍ନି ଦେଓଲ୍ ବଡ ପରଦାକୁ କରିଛନ୍ତି ଜବରଦସ୍ତ କମ୍ବ୍ୟାକ୍ | ପୁଣି ଥରେ ଜମିଛି ତାରା ଓ ସକିନାଙ୍କ ଯୋଡି । ରିଲିଜ୍ ହୋଇଛି ସନ୍ନି ଓ ଅମିଶାଙ୍କ ‘ଗଦର ୨’ । ୨୦୨୩ର ବହୁ ପ୍ରତୀକ୍ଷିତ ସିକ୍ୱେଲ ମଧ୍ୟରୁ ଅନ୍ୟତମ। ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ ରହିଛି ବହୁତ କ୍ରେଜ | ଆଡଭାନ୍ସ ବୁକିଂରେ ରେକର୍ଡ ସୃଷ୍ଟି କରିଥିବା ଗଦର୍ ୨କୁ ଏକ ବଡ଼ ଓପେନିଂ ମିଳିଛି । ସନ୍ନି ଦେଓଲ୍ ଓ ଅମିଷା ପଟେଲଙ୍କ ଏହି ଫିଲ୍ମ 3 ଲକ୍ଷରୁ ଅଧିକ ଟିକେଟ୍ ବିକ୍ରି ସରିଛି ।
ସେହିପରି ଗଦରକୁ ଟକ୍କର ଦେଉଛି ଖିଲାଡ଼ି କୁମାରଙ୍କ ଫିଲ୍ମ ‘ଓଃ ମାଇ୍ ଗଡ୍’ ପାର୍ଟ ଟୁ । ଗତଥର କୃଷ୍ଣ ଏଥର ମହାଦେବ । ଅକ୍ଷୟ କୁମାରଙ୍କ ଏହି ଲୁକ୍ ସୋସିଆଲ୍ ମିଡିଆରେ ସେନସେସନ୍ ଖେଳାଇଛି । ଅମିତ ରାୟ ଏବଂ ଅକ୍ଷୟ କୁମାରଙ୍କ ସହିତ ପଙ୍କଜ ତ୍ରିପାଠୀ, ୟାମି ଗୌତମ ଏବଂ ପୱନ ମଲହୋତ୍ରା ମୁଖ୍ୟ ଭୂମିକାରେ ଅଭିନୟ କରିଛନ୍ତି। ତେବେ ବିଶେଷ କଥା ହେଉଛି ନିର୍ଦ୍ଦେଶକ ଫିଲ୍ମର କାହାଣୀକୁ ସମ୍ପୂର୍ଣ୍ଣ ନୂଆ ଢଙ୍ଗରେ ତିଆରି କରିଛନ୍ତି ଏବଂ ଆଜିର ପରିବେଶକୁ ନେଇ ଏହାକୁ ସମ୍ପୂର୍ଣ୍ଣ ଭାବେ ପ୍ରାସଙ୍ଗିକ କରିବାକୁ ଚେଷ୍ଟା କରିଛନ୍ତି। ତେବେ ଗଦରରେ ଯେଉଁଠୁ କାହାଣୀ ସରିଥିଲା ସେଠୁ ଆରମ୍ଭ ହେଉଥିବା ବେଳେ OMG 2ରେ ଅନେକ କିଛି ନୂଆ ଦେଖିବାକୁ ମିଳିଛି |