(ସୋମ୍ୟ ରଂଜନ ସେଠୀ): ଅଗରୁ ଶକ୍ତି ପିଠରେ ୧୬ ପୂଜା ଆରମ୍ଭ ହୋଇଯାଇଛି, ଦେବୀ ମାନେ ଆଗରୁ ୮ଟି ବେଶରେ ସଜେଇ ହୋଇ ଦର୍ଶନ ଦେଲେଣୀ, ଆଜିଠୁ ଆରମ୍ଭ ନବରାତ୍ରୀ, ଆଗକୁ ଆସୁଛି ଶାରଦୀୟ ଦୁର୍ଗାପୁଜା, ସାରା ଓଡିଶାରେ ଯାକଜମକରେ ପାଳିତ ହେବ ପୂଜା । ଓଡିଶାର ରାଜଧାନୀ ଭୁବନେଶ୍ୱର, କଟକ, ରାଉଲକେଲା ସମେତ ବିଭିନ୍ନ ପ୍ରମୁଖ ସହରରେ ବିଭିନ୍ନ ମେଢ ଆଉ ଆଲୋକରେ ଝଲିସି ଉଠିବ । ଜନସମୁଦ୍ର ଭିତରେ ପୂଜା ପାଇବେ ଦୁର୍ଗତି ନାଶୀନି ମା’ ଦୁର୍ଗା । ଅସୁର ମାନଙ୍କ ସଂହାର ନିମନ୍ତେ ମା ଦୁର୍ଗା ବର୍ଷରେ ଗୋଟିଏଥର ପୃଥିବି ପୃଷ୍ଟକୁ ଅବତରଣ କରନ୍ତି । ତାଙ୍କର ଏହି ସୁନ୍ଦର ଲିଳା ଓ ରୁପକୁ ଦେଖିବା ପାଇଁ ବହୁ ଜନସମାଗମ ହୋଇଥାଏ କିନ୍ତୁ ଆଗକୁ ଆସୁଛି ବାତ୍ୟା । ବଙ୍ଗୋପସାଗରର ସୃଷ୍ଟି ହୋଇଥିବା ଲଘୁଚାପ ଡିପ୍ରେସନରୁ ଡିପ୍ ଡିପ୍ରେସନରେ ପରିଣତ ହୋଇଛି। ଆଜି ସଂଧ୍ୟା ସୁଦ୍ଧା ଏହା ବାତ୍ୟାର ରୂପନେବ। ଏବେ ଏହା ଦକ୍ଷିଣ-ପୂର୍ବ ଗୋପାଳପୁରରୁ ପ୍ରାୟ ୫୬୦ କିଲୋମିଟର ଦୂରରେ କେନ୍ଦ୍ରୀଭୂତ ରହିଛି। ତେବେ ସ୍ଥଳଭାଗ ଛୁଇଁବା ମାତ୍ରେ ଏହାର ପ୍ରଭାବରେ ପ୍ରବଳ ବର୍ଷା ହେବ । ତେବେ ଏହି ସମୟରେ ପାର୍ବଣ ଋତୁ ଆରମ୍ଭ ହୋଇଥିବାରୁ ପୂଜା ଧୋଇଯିବାର ଆଶଙ୍କା ଦେଖାଦେଇଛି । ‘ତିତ୍ଲି’ ପ୍ରଭାବରେ ଦୁଇ ଦିନ ଧରି ଓଡ଼ିଶା ଓ ଆନ୍ଧ୍ର ଉପକୂଳରେ ପ୍ରବଳ ବର୍ଷା ଓ ପବନ ହେବାର ସମ୍ଭାବନା ଅଛି।
