(ଶୁଭସ୍ମିତା ଦାଶ): ଚାଲିଛି ପାର୍ବଣର ୠତୁ । ଆଗକୁ ଆସୁଛି ଜଗତଜନନୀ ମା’ ଦୁର୍ଗାଙ୍କ ପୂଜା । କାଶତୀ ଫୁଲର ମହକରେ ଧରାବତରଣ କରିବେ ମା’ । ହାତ ଗଣତିରେ ଆଉ କେତୋଟି ଦିନର ଅପେକ୍ଷା । ରାଜଧାନୀରେ ଦେଖିବାକୁ ମିଳିବ ଆଖିି ଝଲସିବା ତୋରଣ ମାନ । ପୂଜା କୂ ଦୃଷ୍ଟିରେ ରଖି ରାଜଧାନୀର ବିଭିନ୍ନ ପୂଜା ମଣ୍ଡପର କାରୀଗରଙ୍କୁ କାମରୁ ଫୁରସତ ମିଳୁନି । ସବୁ ବର୍ଷ ପରି ଚଳିତ ବର୍ଷ ମଧ୍ୟ ମଣ୍ଡପ ଗୁଡ଼ିକ ରାଜଧାନୀ ବାସୀଙ୍କୁ କିଛି ନୂଆ ତୋରଣ ଭେଟି ଦେବାକୁ ପ୍ରୟାସ ଜାରି ରଖିଛନ୍ତି ।
ଚଳିତ ବର୍ଷ ନୂଆପଲ୍ଲୀରେ , ଇଟାଲିର ପ୍ରଥମ ରାଜା ଭିକ୍ଟର ଇମାନୁଏଲଙ୍କ ସ୍ମୃତିରେ ହୋଇଥିବା ଆଲଟେୟାର ଡ଼େଲା ପାଟ୍ରିଆ ତୋରଣରେ ମା’ ପୂଜା ପାଇବେ । ଯାହାର ଓସାର ୧୨୦ ଫୁଟ ଓ ଉଚ୍ଚତା ୮୫ ଫୁଟ । ତୋରଣର ସମ୍ମୁଖ ଭାଗ ଓ ମଧ୍ୟଭାଗରେ ମଭାଭାରତର ଇତିବୃତ୍ତିଶୋଭାପାଇବ । ଆହୁରି ମଧ୍ୟ କୃଷ୍ଣଙ୍କ ବିଶ୍ୱରୂପ ସମେତ କୁରୁକ୍ଷେତ୍ରକୁ ତୋରଣ ରୂପରେଖ ଦିଆଯିବ ସମେତ ଅନ୍ୟାନ ପୌରାଣିକ କଥାବସ୍ତୁକୁ ଚିତ୍ରଣ କରାଯିବ । ପୂରା ତୋରଣଟି ସନପେକ୍ ଓ ଫାଇବରରେ ପ୍ରସ୍ତୁତ ହେବ । କୋଲକତାର କାରିଗରମାନେ ଏହାକୁ ପ୍ରସ୍ତୁତ କରିବେ । ଏଥର ମା’ ଙ୍କ ମୂୂର୍ତ୍ତି ସମେତ ତାମ୍ର ମେଢ ଶୋଭାପାଇବ । ରାଜଧାନୀ ବାସୀଙ୍କ ମନକୁ ଏହି ତୋରଣ ନିଶ୍ଚିତ ଭାବରେ ଛୁଇବ ବୋଲି ନୂଆପଲ୍ଲୀ ପୂଜା କମିଟିର ସଦସ୍ୟମାନେ ଆଶା ରଖିଛନ୍ତି ।