ଆଳି: କେନ୍ଦ୍ରାପଡ଼ା ଜିଲ୍ଲା ଆଳି ଅଞ୍ଚଳରେ ପ୍ରବାହିତ ନଦୀ ଗୁଡିକରେ ଦିନକୁ ଦିନ କୁମ୍ଭୀର ଉପଦ୍ରବ ବୃଦ୍ଧି ପାଉଥିବା ଦେଖିବାକୁ ମିଳିଛି l ରବିବାର ଅପରାହ୍ନରେ ଆଳି ଇଛାପୁର ଗ୍ରାମ ନିକଟରେ ପ୍ରବାହିତ ଖର ସ୍ରୋତା ନଦୀକୂଳରେ ମଇଁଷି ଚରୁଥିବା ବେଳେ କୁମ୍ଭୀରଟିଏ ମଇଁଷିକୁ ନଦୀ ଗର୍ଭକୁ ଝାମ୍ପି ନେଇଥିଲା l ସ୍ଥାନୀୟ ଲୋକ ଡ଼ଙ୍ଗା ନେଇ ସଙ୍ଗେ ସଙ୍ଗେ ନଦୀରେ ଖୋଜାଖୋଜି କରିବା ପରେ ମୃତ ମଇଁଷିକୁ ଉଦ୍ଧାର କରି କୁଳକୁ ଆଣିଥିଲେ l ମଇଁଷିଟି ଇଛାପୁର ଗ୍ରାମର ପ୍ରକାଶ ନାୟକଙ୍କର ବୋଲି ସୂଚନା ମିଳିଛି l
