ଭୁବନେଶ୍ୱର(ରିପୋର୍ଟର୍ସ ଟୁଡେ) : ଆଜି ମହାପ୍ରଭୁଙ୍କ ରଥଯାତ୍ରା । କରୋନା କଟକଣା ମଧ୍ୟରେ ପାଳନ ହେଉଛି ବିଶ୍ୱ ପ୍ରସିଦ୍ଧ ରଥଯାତ୍ରା । ବଡଦାଣ୍ଡରୁ ଶ୍ରୀଗୁଣ୍ଡିଚା ଯାଏଁ ଗଡିଚାଲିଛି ତିନିରଥ । କଟକଣା ଅନୁଯାୟୀ ସମଗ୍ର ଶ୍ରଦ୍ଧାଳୁଙ୍କ ଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଘରେ ରହି ମହାପ୍ରଭୁଙ୍କୁ ଦର୍ଶନ କରିଛନ୍ତି। ପ୍ରତିବର୍ଷ ରଥଯାତ୍ରା ଦେଖିବା ପାଇଁ ମୁଖ୍ୟମନ୍ତ୍ରୀ ପୁରୀ ଯାଆନ୍ତି। ମାତ୍ର କଟକଣା ପାଇଁ ଘରେ ରହି ଘୋଷଯାତ୍ରା ଦେଖିଛନ୍ତି। ଏହାସହ ସମସ୍ତ ଜନସାଧାରଣଙ୍କୁ ରଥଯାତ୍ରାର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି।
