ଗୋପ: ସଂପ୍ରତି ରାଜ୍ୟରେ ବନ୍ୟା ପରିସ୍ଥିତି ଜାରି ରହିଛି। ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଖାଦ୍ୟ ଓ ପାନୀୟ ଲାଗି ମଧ୍ୟ ଲୋକମାନେ ଡହଳ ବିକଳ ହେଉଛନ୍ତି। ଏହି ସମୟରେ ଗୋପ ବ୍ଲକରେ ବନ୍ୟା ପାଣିରେ ବୁଡି ଯିବାରୁ ଜଣେ ମହିଳାଙ୍କ ମୃତ୍ୟୁ ଘଟିଛି। ଏଭଳି ଦୁଃଖଦ ଖବର ଗୋପ ବ୍ଲକରେ ଦ୍ୱିତୀୟ ଘଟଣା ବୋଲି ଜଣାପଡିଛି। ସୂଚନା ଅନୁସାରେ ଗତ ଦୁଇ ଦିନ ତଳେ ମାଆ ଆଡଙ୍ଗେଇ ପୀଠର ପୂଜକ ଶୋଳପୁର ଗାଁର ମୃତ୍ୟୁ ଘଟିବା ପରେ ଆଉ ଜଣେ ମହିଳାଙ୍କର ମୃତ୍ୟୁ ଘଟିଥିଲା। ମୃତ ମହିଳା ଜଣଙ୍କ ଗୋପ ଥାନା ଅଧୀନ ରାହାଙ୍ଗଗୋରଡା ପଞ୍ଚାୟତର ରାହାଗୋରଡା ଗାଁର ବବିନା ମହାରଥୀ (୩୯) ବୋଲି ଜଣାପଡିଛି। ମହିଳା ଜଣଙ୍କ ଶୌଚ ହେବାକୁ ଯାଉଥିବାବେଳେ ଅସାବଧାନତା ବଶତଃ ପାଣିରେ ବୁଡିଯାଇଥିଲେ। ତାଙ୍କୁ ଉଦ୍ଧାର କରାଯାଇ ନିମାପଡା ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳି ଯାଇଛି। ବନିନାଙ୍କ ମୃତ୍ୟୁରେ ତାଙ୍କ ପରିବାର ଭାଙ୍ଗି ପଡିଛନ୍ତି।
