ବିସ୍ପୋରଣରେ ପ୍ରାଣ ହରାଇଲେ ୟୁକ୍ରେନର ମାର୍ଶାଲ ଆର୍ଟ  ଚାମ୍ପିଅନ୍  

ବ୍ୟୁରୋ- ଋଷ ସେନା ଆକ୍ରମଣରେ ଜୀବନ ଗଲା ୟୁକ୍ରେନର ନ୍ୟାସନାଲ ମାର୍ଶାଲ ଆର୍ଟ ଚମ୍ପିଅନ୍  । ଆଜକୁ ୧୩ ଦିନ ହେବ ଋଷ- ୟୁକ୍ରେନ ମଧ୍ୟରେ  ଜୋରଦାର ଘମାଘୋଟ ଲଢେଇ ଚାଲିଛି  । କିବ୍ , ଖାରକିବ୍ , ଚାର୍ଣ୍ଣିବିଲ ପରି ସହରକୁ ଧ୍ୱସ୍ତ ବିଧ୍ୱଂସ୍ତ କରିବା ପରେ  ବର୍ତ୍ତମାନ ସୁମି ସହରକୁ ଛାରଖାର କରିିବାକୁ ଲାଗିଲାଣି ଋଷ  । ସୁମିର ଗନବସତି ଉପରେ ଆକ୍ରମଣ କରିଛି ଋଷ ସେନା  ।ଏଠିକାର ଏକ ବହୁତଳ କୋଠା ଉପରେ ରକେଟ ମାଡ ଯୋଗୁଁ ଏଠାରେ ରହୁଥିବା ୟୁକ୍ରେନର ମାର୍ଶାଲ ଆର୍ଟ ଚାମ୍ପିଅନ୍ ଆର୍ଟୟମ ପ୍ରେୟିମାଙ୍କୋଙ୍କ ମୃତ୍ୟୁ ହୋଇଛି । ତାଙ୍କ ସହ ତାଙ୍କ ପରିବାରର ସମସ୍ତ ସଦସ୍ୟଙ୍କର ମଧ୍ୟ ମୃତ୍ୟୁ ହୋଇଛି ।

୧୬ ବର୍ଷିୟ ଆର୍ଟୟମ ତାଙ୍କ ଦୁଇ ଭାଇ ଓ ମା’ , ବାପାଙ୍କ ସହ ସୁମିର ସାମ୍ବୋ ଇଲାକାରେ ରହୁଥିଲେ ।ହାଠାତ୍ ସେଠାରେ ଏକ ବିସ୍ଫୋରଣ ହୋଇଥିଲା । ଯେଉଁଥିରେ ତାଙ୍କ ପୁରା ପରିବାର ସହ ଆର୍ଟୟମଙ୍କ ମୃତ୍ୟୁ ହୋଇଛି । ଏହାସହ ଏହି ପାଖାପାଖି ଅନେକ ଘର ମାଟିରେ ମିଶିଯାଇଛି । ନିକଟରେ ୟୁକ୍ରେନରେ ଆୟୋଜିତ ଏକ ମାର୍ଶାଲ ଆର୍ଟ ଇଭେଣ୍ଟରେ ନ୍ୟାସନାଲ ଚାମ୍ପିଅନ୍ ହୋଇଥିଲେ ଆର୍ଟୟମ ପ୍ରେୟିମାଙ୍କୋ ।