(ଶୁଭସ୍ମିତା ଦାଶ) : ଆଗକୁ ଆସୁଛି ଶାରଦୀୟ ଦୁର୍ଗା ପୂଜା । ବିଭିନ୍ନ ପୂଜା ମଣ୍ଡପଗୁଡ଼ିକ ନିଜର କାମ ସାରିବା ପାଇଁ ବ୍ୟସ୍ତ । ରାଜଧାନୀରେ ଦେଖିବାକୁ ମିିଳିବ ବଡ଼ବଡ଼ ତୋରଣ ମାନ । ଯାହାକୁ ଦେଖିବାକୁ ଶ୍ରଦ୍ଧାଳୁଙ୍କ ଭିଡ଼ ଯମିବ । ବିଭିନ୍ନ ପୂଜା କମିଟିର ସଦସ୍ୟ ମାନେ ଶ୍ରଦ୍ଧାଳୁ ମାନେ କିପରି ସୁବିଧାରେ ଓ ସୁରକ୍ଷିତ ଭାବେ ମା’ ଙ୍କ ଦର୍ଶନ କରିବେ ସେ ନେଇ ମଧ୍ୟ ବ୍ୟବସ୍ଥା କରୁଛନ୍ତି । ତେଣୁ କରି ଭିଡ଼କୁ ଆଖି ଆଗରେ ରଖି ଅଗ୍ନି ନିରାପତ୍ତାକୁ ବେଶ୍ ଗୁରୁତ୍ୱ ଦିଆଯାଇଛି । ତେଣୁ ଫାୟାର ରିଟାର୍ଡ଼ାଣ୍ଟସ୍ପ୍ରେ ସଲ୍ୟୁସନକୁ ଏଥର ସବୁ ପୂଜା ମଣ୍ଡପରେ ଲଗାଇବାକୁ ଅଗ୍ନିଶମ ସେବାସଂସ୍ଥା ପକ୍ଷରୁ ନିର୍ଦ୍ଦେଶ ଦିଆଯାଇଛି । ୫ଟି ରାସାୟନିକ ପଦାର୍ଥ ମିଶ୍ରଣରେ ଏହା ପ୍ରସ୍ତୁତ । ଏହାକୁ ଦହନଶୀଳ ପଦାର୍ଥ ଉପରେ ସ୍ପ୍ରେ କରାଗଲେ ସେ ସ୍ଥାନରେ ନିଆଁ ଲାଗିଲେ ବି କୌଣସି ଅଘଟଣ ହୋଇନଥାଏ । ନିଆଁ ଲାଗିଲେ ଚାରିଆଡ଼କୁ ବ୍ୟାପି ନଥାଏ କେବଳ ସ୍ପ୍ରେ ହୋଇଥିବା ସ୍ଥାନରେ ହିଁ କ୍ଷତ ସୃଷ୍ଟି ହୋଇଥାଏ । ୩୦ ମିନିଟ ପର୍ଯ୍ୟନ୍ତ ଏହା ନିଆଁକୁ ଆୟତ୍ତ କରି ରଖିପାରେ । ନିଆଁ କୁ ବ୍ୟାପିବାକୁ ଦେଇନଥାଏ । ତେଣୁକରି ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଏହା ବେଶ୍ ସହାୟକ ହେବ ବୋଲି ଅଗ୍ନିଶମ ସଂସ୍ଥାର ଉପ ଅଗ୍ନିଶମ ଅଧିକାରୀ ରମେଶ ଚନ୍ଦ୍ର ମାଝୀ କହିଛନ୍ତି । ମାତ୍ର ଅନ୍ୟପଟେ ଏହି ସ୍ପ୍ରେ ପାଇଁ ଯେଉଁ ଖର୍ଚ୍ଚର ଆକଳନ କରାଯାଇଛି ତାହା ପୂଜା କମିଟିଙ୍କ ବଜେଟ ବାହାରେ । ଏଥିପାଇଁ ସେମାନଙ୍କୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡ଼ିବ । । ଚାନ୍ଦା ଆଦାୟ ହ୍ରାସ ପାଇଥିବା ବେଳେ ଏପରି ଖର୍ଚ୍ଚକୁ ସହଜରେ ଗ୍ରହଣ କରିପାରୁ ନାହିଁନ୍ତି । ସେମାନେ ଏହାକୁ ବିରୋଧ କରୁନାହିଁନ୍ତି ମାତ୍ର ଏହାର ମୂଲ୍ୟ ହ୍ରାସ ପାଇଲେ ଏହାକୁ ପ୍ରୟୋଗ କରିବାରେ ଅସୁବିିଧା ନାହିଁ ବୋଲି କହିଛନ୍ତି । ପୂଜା ମଣ୍ଡପ ଗୁଡ଼ିକ କପଡ଼ା,ପ୍ଲାଏ, କାଠ , ବାଉଁଶ, ଭଳି ଦହନଶୀଳ ସାମଗ୍ରୀ ନେଇ ପ୍ରସ୍ତୁତ ହୋଇଥ।।ଏ ସେହିପରି ତୋରଣରେ ବିଦ୍ୟୁତ ସଂଯୋଗ ହୋଇଥିବାରୁ ସର୍ଟ୍ ସର୍କିଟ ହେବାର ସମ୍ଭାବନା ଥାଏ । ଏହି ସ୍ପ୍ରେ କରାଗଲେ ଧନଜୀବନ କ୍ଷେତିର ଭୟ ନଥାଏ । ପୂର୍ବରୁ ପ୍ରତି ପୂଜା ମଣ୍ଡପରେ ଫାୟାର ଏକ୍ସଟିଙ୍ଗୁଇସର ଲଗାଯାଉଥିଲା ।
