ଲଦାଖର ଗାଲୱାନର ଚାରବାଗ ଅଞ୍ଚଳରେ ଏକ ବଡ଼ ଦୁର୍ଘଟଣା ଘଟିଛି। ଏକ ପଥର ସେନା ଗାଡ଼ି ଉପରେ ପଡ଼ିବା ଫଳରେ ଦୁଇ ଅଧିକାରୀ ସହିଦ ହୋଇଛନ୍ତି ଏବଂ ତିନି ଜଣ ଅଧିକାରୀ ଗୁରୁତର ଆହତ ହୋଇଛନ୍ତି । ଆହତଙ୍କ ମଧ୍ୟରେ ୨ ଜଣ ମେଜର ଏବଂ ଜଣେ କ୍ୟାପ୍ଟେନ୍ ଅଛନ୍ତି। ସେମାନଙ୍କୁ ବିମାନରେ ସ୍ଥାନାନ୍ତର କରାଯାଇଥିଲା । ସୈନିକଙ୍କ କାଫଲା ଦୁର୍ବୁକରୁ ଚୋଙ୍ଗଟାସ୍ ଅଭିମୁଖେ ଏକ ତାଲିମ ଯାତ୍ରାରେ ଥିଲା। ତେବେ ବୁଧବାର ସକାଳ ପ୍ରାୟ ୧୧:୩୦ ସମୟରେ ଦୁର୍ବୁକରୁ ଚୋଙ୍ଗଟାସ୍ ଯାଉଥିବା ଏକ ସାମରିକ ଗାଡ଼ି ଭୂସ୍ଖଳନରେ ଫସିଯିବାରୁ ଏହି ଦୁର୍ଘଟଣା ଘଟିଥିଲା।
ଆହତ ସୈନିକମାନଙ୍କୁ ଲେହସ୍ଥିତ 153 GH କୁ ନିଆଯାଇଛି। ଏହି ଦୁର୍ଘଟଣା ସମ୍ପର୍କରେ, ଭାରତୀୟ ସେନାର ଫାୟାର ଆଣ୍ଡ ଫ୍ୟୁରି କର୍ପସ ସୂଚନା ଦେଇଛନ୍ତି ଯେ 30 ଜୁଲାଇ ସକାଳ ପ୍ରାୟ 11:30 ସମୟରେ ଲଦାଖରେ ଏକ ସାମରିକ କନଭଲର ଗାଡ଼ି ଉପରେ ପଥରରୁ ପଥର ଖସି ପଡ଼ିଥିଲା। ଉଦ୍ଧାର କାର୍ଯ୍ୟ ଜାରି ରହିଛି।
