ବିହାର:- ବିହାରରେ ବିଧାନସଭା ନିର୍ବାଚନ ପାଇଁ ମତ ଗଣନା ଚାଲିଥିବା ବେଳେ ଦେଖିବାକୁ ମିଳୁଛି ଉତ୍ସବର ମାହୋଲ । ମତ ଗଣନାର ଟ୍ରେଣ୍ଡ ଆସିବା ସହିତ ଧୀରେ ଧୀରେ ପାର୍ଟି କର୍ମୀଙ୍କ ଉତ୍ସାହ ମଧ୍ୟ ଦେଖିବାକୁ ମିଳୁଛି । ଟ୍ରେଣ୍ଡ ମୁତାବକ ଦୁଇ ତୃତୀୟାଂଶ ବିଧାନସଭା ଆସନ NDA ସପକ୍ଷରେ ଯାଉଛି । ସେଲିବ୍ରେସନ ମୋଡ଼ରେ ଅଛନ୍ତି NDA ସମର୍ଥକ ।
ବିହାରରେ ଏବେ ବିଭିନ୍ନ ସ୍ଥାନରେ ନୀତିଶ କୁମାରଙ୍କ ବିଜୟ ନେଇ ବିଶାଳ ହୋର୍ଡ଼ିଂ ଲଗାଯାଉଛି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ବିଶିଷ୍ଟ ପ୍ଲାକାର୍ଡ ଧରି ଶହଶହ ପାର୍ଟିର କର୍ମକର୍ତ୍ତା ରାଜ୍ୟ କାର୍ଯ୍ୟାଳୟରେ ଏକତ୍ରିତ ହୋଇଛନ୍ତି । ଏହା ସହିତ ଶଙ୍ଖ, ଘଣ୍ଟା, ଢୋଲ, ହୋଲି ରଙ୍ଗ, ବିଭିନ୍ନ ନାରା ତଥା ବାଣର ଶଦ୍ଦରେ ପ୍ରକମ୍ପିତ ହୋଇ ଉଠୁଛି JDUର ମୁଖ୍ୟ କର୍ଯ୍ୟାଳୟ । କର୍ମକର୍ତ୍ତାମାନେ ଆନନ୍ଦରେ ନାଚୁଥିବାର ଦେଖିବାକୁ ମିଳୁଛି । ଏହା ସହିତ ମିଠା ବାଣ୍ଟି ଖୁସି ଜାହିର କରୁଛନ୍ତି ସମର୍ଥକବୃନ୍ଦ ।
