ନୂଆଦିଲ୍ଲୀ: ସ୍ୱାସ୍ଥ୍ୟ ପ୍ରତ୍ୟେକଙ୍କ ଜୀବନର ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଦିଗ। ପ୍ରାୟତଃ ଲୋକମାନେ ମହଙ୍ଗା ରୋଗର ଚିକିତ୍ସା ପାଇଁ ବହୁତ ଟଙ୍କା ଖର୍ଚ୍ଚ କରନ୍ତି। ଆଉ ଏହାକୁ ଏଡାଇବା ପାଇଁ, ଲୋକମାନେ ସ୍ୱାସ୍ଥ୍ୟ ବୀମା କରନ୍ତି । ଯାହା ଦ୍ଵାରା ଏହି ମହଙ୍ଗା ରୋଗର ଚିକିତ୍ସା ସହଜରେ ହୋଇପାରିବ । ନିକଟରେ ପ୍ରଧାନମନ୍ତ୍ରୀଙ୍କ ଦ୍ଵାରା ପ୍ରଚଳିତ ହୋଇଛି ଆୟୁଷ୍ମାନ କାର୍ଡ । ଅନେକ ଲୋକ ଏହି ଆୟୁଷ୍ମାନ କାର୍ଡର ଲାଭ ଉଠାଇ ପାରୁଥିବା ବେଳେ କିଛି ଲୋକଙ୍କ ପାଇଁ ଏହି କାର୍ଡ ପାଇବା ମଧ୍ୟ କାଠିକାର ପାଠ ହୋଇଯାଇଛି । କୁହାଯାଉଛି ଯେ ବିନା ଆଧାରକାର୍ଡରେ ଆୟୁଷ୍ମାନ କାର୍ଡ ହୋଇପାରିବ ନାହିଁ ।
ତେବେ କହିରଖୁଛୁ ଯେ, ଆୟୁଷ୍ମାନ କାର୍ଡ ପାଇବା ପାଇଁ ଆପଣଙ୍କର କିଛି ଡକ୍ୟୁମେଣ୍ଟ୍ ଥିବା ଆବଶ୍ୟକ। ସେଥିମଧ୍ୟରୁ, ଆଧାର କାର୍ଡ ମଧ୍ୟ ବହୁତ ଗୁରୁତ୍ୱପୂର୍ଣ୍ଣ। ଅନେକ ଲୋକ ଭାବନ୍ତି ଯେ ଯଦି ସେମାନଙ୍କ ପାଖରେ ଆଧାର କାର୍ଡ ନାହିଁ, ତେବେ ଆୟୁଷ୍ମାନ କାର୍ଡ ପାଇବା ସମ୍ଭବ ନୁହେଁ। ଯଦି ଆପଣଙ୍କ ମନରେ ମଧ୍ୟ ଏହି ପ୍ରଶ୍ନ ଉଠୁଛି, ତେବେ ଆମେ ଆପଣଙ୍କୁ କହି ରଖୁଛୁ ଯେ ଏହା ସତ୍ୟ ନୁହେଁ। ଯଦି ଆପଣଙ୍କ ପାଖରେ ଆଧାର କାର୍ଡ ନାହିଁ, ତେବେ ଆପଣ ମଧ୍ୟ ଆୟୁଷ୍ମାନ କାର୍ଡ ପାଇଁ ଆବେଦନ କରିପାରିବେ। ଏଥିପାଇଁ ସରକାର ଅନ୍ୟାନ୍ୟ ବିକଳ୍ପ ଦେଇଛନ୍ତି। ଆପଣ ଏହା ବିନା ମଧ୍ୟ ଆବେଦନ କରିପାରିବେ।
ଯଦି ଆପଣଙ୍କର ଆଧାର ନାହିଁ, ତେବେ ଆପଣ ଭୋଟର ପରିଚୟପତ୍ର, ରାସନ କାର୍ଡ, ଡ୍ରାଇଭିଂ ଲାଇସେନ୍ସ, ପାସପୋର୍ଟ କିମ୍ବା ଜନ୍ମ ପ୍ରମାଣପତ୍ର ଭଳି ଅନ୍ୟାନ୍ୟ ପରିଚୟପତ୍ର ବ୍ୟବହାର କରିପାରିବେ। ସରକାର ଅନେକ ଦଲିଲକୁ ସ୍ୱୀକୃତି ଦେଇଛନ୍ତି ଯାହା ଦ୍ୱାରା କୌଣସି ଯୋଗ୍ୟ ଏହି ଯୋଜନାର ଲାଭ ଉଠାଇପାରିବେ । ଆୟୁଷ୍ମାନ କାର୍ଡ ତିଆରି କରିବା ପାଇଁ, ଆପଣଙ୍କ ନାମ ହିତାଧିକାରୀ ଡାଟାବେସ୍ ଅର୍ଥାତ୍ SECC ତାଲିକା କିମ୍ବା ରାସନ କାର୍ଡ ଆଧାରରେ ପ୍ରସ୍ତୁତ ତାଲିକାରେ ଅନ୍ତର୍ଭୁକ୍ତ ହେବା ଆବଶ୍ୟକ। ଯଦି ଆପଣ ଏଥିରେ ଅଛନ୍ତି, ତେବେ ଆପଣ ଆଧାର କାର୍ଡ ବିନା ମଧ୍ୟ ଆବେଦନ କରିପାରିବେ। ଆପଣଙ୍କୁ କେବଳ ପରିଚୟ ପାଇଁ ଅନ୍ୟାନ୍ୟ ଡକ୍ୟୁମେଣ୍ଟ ପ୍ରଦାନ କରିବାକୁ ପଡିବ।
ଆୟୁଷ୍ମାନ କାର୍ଡ ପାଇବା ପାଇଁ, ଆପଣ ନିକଟସ୍ଥ ଜନସେବା କେନ୍ଦ୍ର (CSC) କିମ୍ବା ହସ୍ପିଟାଲରେ ସହାୟତା ଡେସ୍କକୁ ଯାଇ ସାହାଯ୍ୟ ନେଇପାରିବେ। ସେଠାରେ ଉପସ୍ଥିତ ଅଧିକାରୀମାନେ ଡକ୍ୟୁମେଣ୍ଟ ଯାଞ୍ଚ କରିବେ ଏବଂ ଆପଣଙ୍କ ପରିଚୟ ଯାଞ୍ଚ କରିବା ପରେ କାର୍ଡ ଜାରି କରିପାରିବେ। ଆପଣଙ୍କୁ କହିରଖୁଛୁ ଯେ ସରକାରଙ୍କ ଲକ୍ଷ୍ୟ ହେଉଛି ଯେ କୌଣସି ଯୋଗ୍ୟ ପରିବାର ଚିକିତ୍ସାରୁ ବଞ୍ଚିତ ନହୁଏ। ତେଣୁ, ସେମାନେ ଡକ୍ୟୁମେଣ୍ଟ ସମ୍ପର୍କରେ ନମନୀୟତା ରଖିଛନ୍ତି। ଯଦି ଆପଣଙ୍କ ପାଖରେ ଆଧାର ନାହିଁ, ତେବେ ଆପଣ ଅନ୍ୟ ଡକ୍ୟୁମେଣ୍ଟ ସହିତ ମଧ୍ୟ ପ୍ରକ୍ରିୟା ସମାପ୍ତ କରିପାରିବେ।