ବ୍ୟୁରୋ: ରୁଷର ଯୁଦ୍ଧ ଜାହାଜକୁ ମିସାଇଲ ମାଡ କଲା ୟୁକ୍ରେନ । କ୍ରିମିୟା ନାଭାଲ ବେସ୍ ଉପରେ ରୁଷ ଯୁଦ୍ଧ ଜାହାଜକୁ ମିସାଇଲ ମାଡ଼ କରିଛି ୟୁକ୍ରେନ। ଏଥିରେ ୨ଟି ରୁଷ ୱାର ସିପ୍ କ୍ଷତିଗ୍ରସ୍ତ ହୋଇଥିବା ବେଳେ ୨୪ ଜଣ ଆହତ ହୋଇଥିବା କୁହାଯାଉଛି । ମିସାଇଲ ମାଡ଼ ପରେ ସେଭାଷ୍ଟୋପୋଲ ସିପ୍ ୟାର୍ଡରୁ ଧୂଆଁ ବାହାରୁଥିବା ଦେଖିବାକୁ ମିଳିଛି।ଏହା ସହ ରୁଷର ଦୁଇଟି ଜାହାଜ କ୍ଷତିଗ୍ରସ୍ତ ହୋଇଥିବା ସୂଚନା ରହିଛି। ଯୁଦ୍ଧ ପରଠାରୁ ରୁଷ ବନ୍ଦର ଉପରେ ଏହା ହେଉଛି ୟୁକ୍ରେନର ସବୁଠୁ ବଡ଼ ଆକ୍ରମଣ। ଏହି ଆକ୍ରମଣ ୟୁକ୍ରେନ କରିଥିବା ସୂଚନା ଦେଇଛି ରୁଷ ପ୍ରତିରକ୍ଷା ମନ୍ତ୍ରଣାଳୟ। ଏକ ଡିଜେଲ-ଇଲେକ୍ଟ୍ରିକ୍ ସବ୍ମରିନ୍ ଏବଂ ଲ୍ୟାଣ୍ଡିଂ ସିପ୍ରେ ନିଆଁ ଲାଗିଯାଇଛି। ଦୁଇଟି ୱାର ସିପ୍କୁ ମରାମତି କରାଯାଉଥିବା ବେଳେ ବୁଧବାର ସକାଳେ ଏହି ମିସାଇଲ୍ ମାଡ଼ ହୋଇଥିଲା।
