ଭୁବନେଶ୍ୱର: ପୁଣି ଓଡିଶା ଆସିବେ ପ୍ରଧାନମନ୍ତ୍ରୀ । ଆସନ୍ତା ୧୯ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଓଡିଶା ଆସିବାର କାର୍ଯ୍ୟକ୍ରମ ରହିଛି । ସେ ୧୯ ତାରିଖ ସନ୍ଧ୍ୟା ୭ଟାରେ ଭୁବନେଶ୍ୱରରେ ପହଞ୍ଚିବା ପରେ ରାଜ୍ୟ ବିଜେପି କାର୍ୟ୍ୟାଳୟରେ ଏକ ଘଣ୍ଟା ରହିବେ । ପରେ ରାଜ୍ୟ ବିଜେପି ନେତା ଓ କର୍ମକର୍ତ୍ତାଙ୍କ ସହ କରିବେ ଆଲୋଚନା । ୨୦ ତାରିଖରେ ପୁରୀ ଯାଇ ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରିବେ ଓ ପରେ ପୁରୀ ବଡ ଦାଣ୍ଡରେ ରୋଡ ଶୋ’ କରିବାର କାର୍ଯ୍ୟକ୍ରମ ରହିଛି । ପରେ ଅନୁଗୁଳ ଓ କଟକରେ ଜନସଭାରେ ଯୋଗଦେବେ ।
ସୂଚନା ଅନୁଯାୟୀ, ଗତ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡିଶା ଆସିଥିଲେ । ଭୁବନେଶ୍ୱରରେ ପହଞ୍ଚି ରୋଡ ଶୋ କରିଥିଲେ । ଆଉ ବିଜେପି ପ୍ରାର୍ଥୀଙ୍କ ପାଇଁ ଭୋଟ ମାଗିଥିଲେ । ରାଜ୍ୟରେ ନିର୍ବାଚନ ଚାଲିଥିଲା ବେଳେ ଏବେ ଓଡିଶା ମୁହାଁ ହୋଇଛନ୍ତି କେନ୍ଦ୍ର ନେତୃତ୍ୱ । ପ୍ରଧାନମନ୍ତ୍ରୀଙ୍କ ଛଡା ଅମିତ ଶାହା, ଛତିଶଗଡ ମୁଖ୍ୟମନ୍ତ୍ରୀ, ଆସାମ ମୁଖ୍ୟମନ୍ତ୍ରୀ, ରାଜସ୍ଥାନ ମୁଖ୍ୟମନ୍ତ୍ରୀ ବି ଓଡିଶା ଆସିସାରିଛନ୍ତି ।