ସୁନ୍ଦରଗଡ: ରସିକିଆ ସଂସ୍କୃତ ଶିକ୍ଷକଙ୍କୁ ନିଲମ୍ବନ କଲେ ସୁନ୍ଦରଗଡ଼ ଡିଇଓ । ଗୁରୁଣ୍ଡିଆ ବ୍ଲକର ଏକ ସ୍କୁଲର ସଂସ୍କୃତ ଶିକ୍ଷକ ଆଦିତ୍ୟ ପ୍ରଧାନ ନିଲମ୍ବିତ । ସଂସ୍କୃତ ଶିକ୍ଷକଙ୍କ ନାଁରେ ଅସଦାଚରଣ ଅଭିଯୋଗ ଆଣିଥିଲେ ୭ ଛାତ୍ରୀ । ଛାତ୍ରୀଙ୍କ ଅଭିଯୋଗ ପରେ ଗୁରୁଣ୍ଡିଆ ଥାନାରେ ଏତଲା ଦେଇଥିଲେ ପ୍ରଧାନ ଶିକ୍ଷକ ।
ସୂଚନା ଅନୁସାରେ, ଗତ ୧୬ ତାରିଖ ଦିନ ବିଦ୍ୟାଳୟର ଖେଳ ଶିକ୍ଷକ ଚନ୍ଦନ ସାହୁ ନିକଟରେ ଥିବା ଖେଳପଡ଼ିଆରେ ଛାତ୍ରୀ ମାନଙ୍କୁ ନେଇ ଡ୍ରିଲ କରୁଥିଲେ I ବିଳମ୍ବରେ ବିଦ୍ୟାଳୟ ଆସିଥିବା ପୀଡ଼ିତା ଛାତ୍ରୀ ଶିକ୍ଷକଙ୍କ ତାଗିଦ ଭୟରେ ଡ୍ରିଲ କ୍ଲାସ ନଯାଇ ଶ୍ରେଣୀରେ ବସିଥିଲା I ଠିକ୍ ଏତିକି ବେଳେ ସଂସ୍କୃତ ଶିକ୍ଷକ ଆଦିତ୍ୟ ପାତ୍ର ଛାତ୍ରୀଙ୍କୁ ଶାଗ ତୋଳିବା କହି ବିଦ୍ୟାଳୟ ପଛ ପଟେ ଡ଼ାକିନେଇଥିଲା ଓ ସେଠାରେ ଛାତ୍ରୀ ସହ ଅସଦାଚରଣ କରୁଥିବା ସମୟରେ ପ୍ରଧାନ ଶିକ୍ଷୟିତ୍ରୀ ସନ୍ଦେହ କରି ଦେଖିବାକୁ ଯାଇଥିଲେ ଓ ଏହି ଦୃଶ୍ୟ ଦେଖି ଶିକ୍ଷକଙ୍କୁ ତାଗିଦ କରିଥିଲେ I ଛାତ୍ରୀ ଘରକୁ ଯାଇ ଘଟିଥିବା ସମସ୍ତ ବିଷୟରେ କହିଥିଲେ । ପ୍ରଧାନ ଶିକ୍ଷୟିତ୍ରୀ ନିର୍ମଳା ସିନ୍ଦୁର ଜିଲ୍ଲା ଶିକ୍ଷା ଅଧିକାରୀ ସୁନ୍ଦରଗଡ଼ଙ୍କୁ ଏବିଷୟରେ ଲିଖିତ ଓ ଫୋନ ଯୋଗେ ଜଣାଇଥିଲେ I ଜିଲ୍ଲା ଶିକ୍ଷା ଅଧିକାରୀ ତଦନ୍ତ କରି ପ୍ରଧାନ ଶିକ୍ଷୟିତ୍ରୀଙ୍କୁ ଶିକ୍ଷକଙ୍କ ନାମରେ ଗୁରୁଣ୍ଡିଆ ଥାନାରେ ଏତଲା ଦେବା ପାଇଁ ନିର୍ଦେଶ ଦେଇଥିଲେ ଓ ଉକ୍ତ ଶିକ୍ଷକଙ୍କୁ ନିଲମ୍ବିତ କରିଥିଲେ I