ନୂଆଦିଲ୍ଲୀ-: ଜମ୍ମୁ ଓ କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ରାୟ SIT ଗଠନ କରି ନିରପେକ୍ଷ ତଦନ୍ତ ପାଇଁ ହୋଇଥିବା ମାମଲାର ଆଜି ଶୁଣାଣି ହେବାକୁ ଥିବା ବେଳେ, ଏନେଇ କୌଣସି ଶୁଣାଣି କରିବେ ନାହିଁ ବୋଲି ସଫା ସଫା ମନା କରିଦେଇଛନ୍ତି ସୁପ୍ରିମକୋର୍ଟ । ଆବେଦନ କାରୀଙ୍କୁ ତୀବ୍ର ଭର୍ସନା କରିବା ସହିତ କହିଥିଲେ ଏହି ସମୟ ମାମଲାର ଶୁଣାଣିର ନୁହେଁ ଏଭଳି କରି ସେନାର ମନୋବଳ ଭାଙ୍ଗିବା ଉଚିତ ନୁହେଁ । ବିଚାରପତିଙ୍କ କାମ ମାମଲାର ରାୟ ଶୁଣାଇବା ମାମଲାର ତଦନ୍ତ କରିବା ନୁହଁ । ଏହିଭଳି କଠିନ ପରିସ୍ଥିତିରେ ସମସ୍ତ୍ୟ ଏକଜୁଟ ହେବା ସହିତ ସଂବେଦନଶୀଳ ଏବଂ ଦାଇତ୍ୱ ବାନ ହୁଅନ୍ତୁ ।
ତେବେ ଗତ ୨୩ ତାରିଖରେ ପହଲଗାମର ସେ ଛାତିଥରା ଘଟଣା, ଯାହା ୨୬ରୁ ଅଧିକ ଲୋକଙ୍କ ଜୀବନ ନେଇଛି, ତାକୁ ନେଇ ଭାରତୀୟ ସେନା ଏବେ ପ୍ରତିଉତ୍ତର ଦେବାରେ ଲାଗିଛନ୍ତି । ଲଗାତାର ପାକ୍ ସେନାକୁ କଡା ଜବାବ ଦେଉଛନ୍ତି ଭାରତୀୟ ସେନା । ଏଥିରେ ୩ ଆକ୍ରମଣକାରୀଙ୍କ ସ୍କେଚ୍ ମଧ୍ୟ ଜାରି ହୋଇଛି । ଯାହାକୁ ଖୋଜୁଛି ଭାରତ । ଏହାକୁ ନେଇ ସୁପ୍ରିମକୋର୍ଟରେ ନ୍ୟାୟିକ ତଦନ୍ତ ନେଇ ଆବେଦନ ହୋଇଥିବା ବେଳେ ଏହାକୁ ଖାରଜ କରିଛନ୍ତି ସୁପ୍ରିମକୋର୍ଟ । ଆବେଦନକୁ ଗ୍ରହଣ କରିବାକୁ ମନା କରି ଏଭଳି କାର୍ଯ୍ୟ କରିବା ପୂର୍ବରୁ ଏହି ପ୍ରସଙ୍ଗର ସମ୍ବେଦନଶୀଳତା ଉପରେ ବିଚାର କରାଯିବା ଉଚିତ୍ ଥିଲା ବୋଲି କହିଛନ୍ତି ଜଷ୍ଟିସ୍ ସୂର୍ଯ୍ୟକାନ୍ତ ।
