ବ୍ୟୁରୋ : ମହାରାଷ୍ଟରେ ପରିସ୍ଥିତି ଦିନକୁ ଦିନ ଉର୍ଗ ହେବାରେ ଲାଗିଛି । ହନୁମାନ ଚାଳିଶା ପାଠ ଓ ଲାଉଡସ୍ପିକରକୁ ନେଇ ବେଶ ଉତ୍ତେଜନା ଦେଖାଦେଉଛି । ସାଂସଦ ନବନୀତ ରାଣା ଓ ତାଙ୍କ ପତି ରବି ରାଣାଙ୍କୁ ଗିରଫ କରାଯାଇଛି । ଶିବ ସେନାର ସାଂସଦ ତଥା ଦଳର ମୁଖପାତ୍ର ସଞ୍ଜୟ ରାଉତ ନବନୀତ ଓ ରବିଙ୍କୁ ଦି୍ୱତୀୟ ଥର ପାଇଁ ନିର୍ବାଚନ ଜିତିବା ପାଇଁ ଆହ୍ୱାନ ଦେଇଛନ୍ତି । ସେ ଧମକ ମଧ୍ୟ ଦେଇଛନ୍ତି ଯିଏ ମାତୋଶ୍ରୀଙ୍କ ସହ ଖେଳିବ ତାଙ୍କୁ ୨୦ ଫୁଟ ତଳେ ପୋତି ଦିଆଯିବା ।
ସୂଚନାନୁଯାୟୀ ମୁମ୍ବାଇ ସାଂସଦ ନବନୀତ ଓ ରବିଙ୍କ ବିରୋଧରେ ପୋଲିସ ବଡ କାର୍ଯ୍ୟାନୁଷ୍ଠାନ କରିଛି । ତାଙ୍କୁ ଗିରଫ କରିବା ସହ ଆଇପିସି ଧାରା ୧୩୫ ଏ ଅନୁଯାୟୀ ତାଙ୍କ ବିରୋଧରେ ମାମଲା ରୁଜୁ କରିଛି । ଏବଂ ଶିବସେନାର କର୍ମୀ ମାନେ ବିଭିନ୍ନ ପୋଲିସ ଥାନରେ ତାଙ୍କ ବିରୋଧରେ ଏତଲା ମଧ୍ୟ ଦାୟର କରିଛନ୍ତି । ନବନୀତ କହିଛନ୍ତି ଗଣମାଧ୍ୟମ ଆଗରେ ତାଙ୍କ ବିରୋଧରେ ମିଛ ମାମଲା କରାଯାଇଛି ଓ ସେ ବେଲ ପାଇଁ ମଧ୍ୟ ଆବେଦନ କରିବେ ନାହିଁ ।
ଶିବସେନାର କର୍ମୀମାନେ ତାଙ୍କ ବାସଭବନକୁ ଘେରିବା ସହ ଧସେଇ ଫସିବାକୁ ଉଦ୍ୟମ କରିଥିଲେ ।ସେଠାରେ ପୋଲିସ ଓ ଶିବସେନାର କର୍ମୀଙ୍କ ମଧ୍ୟରେ ମୁହାଁମୁହିଁ ପରସ୍ଥିତି ଦେଖିବାକୁ ମିଳିଛି । ଏହି ଘଟଣା ପରେ ମୁମ୍ବାଇ ରାଜନୀତି ବେଶ ସରଗରମ ହୋଇଛି ।ନବନୀତଙ୍କ ଓକିଲ କହିଛନ୍ତି ତାଙ୍କୁ ବିନା ନୋଟିସରେ ଗିରଫ କରାଯାଇଛି । ସେ ଘରୁ ବାହାରି ନଥିଲେ ମଧ୍ୟ ତାଙ୍କୁ ଉଦ୍ଦେଶ ମୂଳକ ଭାବେ ଗିରଫ କରାଯାଇଛି ।
ପ୍ରତିବର୍ଷ ହନୁମାନ ଜୟନ୍ତିରେ ସେ ପେଣ୍ଡାଲ ସହ ବିଭିନ୍ନ କାର୍ଯ୍ୟକ୍ରମ କରନ୍ତି । କିନ୍ତୁ ଚଳିତ ଥର ତାଙ୍କୁ କାହିଁକି ଗିରଫ କରାଗଲା ବୋଲି ତାଙ୍କ ଓକିଲ ପ୍ରଶ୍ନ କରିଛନ୍ତି । ସୂଚନାଯୋଗ୍ୟ ନବନୀତ ଓ ରବି ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନ ସାମ୍ନାରେ ହନୁମାନ ଚାଳିଶା ପାଠ କରିବେ ବୋଲି ବୟାନ ଦେଇଥିଲେ, ଯାହା ପରେ ତାଙ୍କର ସମସ୍ୟା ବଢିବାରେ ଲାଗିଛି ।