କଲ୍ୟାଣସିଂହପୁର / ସନ୍ତୋଷ କୁମାର ଲତା : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ୍ କାର୍ୟ୍ୟାଳୟ ପରିଶରରେ ରାୟଗଡା ଚତୁର୍ଥ ବାଟାଲିୟନ ସି.ଆର୍. ପି.ଏଫ୍ କମାଣ୍ଡେଣ୍ଟ୍ ମନଜ କୁମାର ୟାଦବଙ୍କ ନିର୍ଦ୍ଦେଶ କ୍ରମେ ଆଜି କଲ୍ୟାଣସିଂହପୁର ଚତୁର୍ଥ ବାଟାଲିୟନ ସି.ଆର୍.ପିଏଫ୍ ର ଆସିଷ୍ଟାଣ୍ଡ୍ କମାଣ୍ଡେଣ୍ଟ୍ ଡି.କ୍ରିଷ୍ଣା ରା ଓ ତାଙ୍କ ତତ୍ବାବଧାନରେ ଏହି ଜନସମ୍ପର୍କ ଶିବିର କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ୟ୍ୟକ୍ରମ ରେ ମୁଖ୍ୟ ଅତିଥି ଭାବେ କଲ୍ୟାଣସିଂହପୁର ବ୍ଲକ୍ ର “କ” ଜୋନ୍ ର ଜିଲ୍ଲାପରିସଦ ସଭ୍ୟ ବି.ଓରାପ୍ରସାଦ ରାଓ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ଭି.ସୁର୍ୟ୍ୟପ୍ରକାଶ ରାଓ ଜୋଗଦେଇଥିଲେ। ଏହି କାର୍ୟ୍ୟକ୍ରମ ଟି ପୋଲିସ୍ ଓ ଲୋକଙ୍କ ମଧ୍ୟରେ ସୁଃସମ୍ପର୍କ ସ୍ଥାପନ ବଜାୟ ରଖିବା ପାଇଁ ପ୍ରତ୍ୟେକ ବର୍ଷ ବିଭିନ୍ନ ସମୟରେ ଲୋକଙ୍କୁ ଆବଶ୍ୟକୀୟ ସାମଗ୍ରୀ ବଣ୍ଟନ କରିଥାନ୍ତି। ଆଜି ପ୍ରତି ବର୍ଷ ଭଳି ମହିଳା ମାନଙ୍କୁ ଶାଢ଼ୀ ଓ ପୁରୁଷ ମାନଙ୍କୁ ଲୁଙ୍ଗି ବଣ୍ଟନ କରିଥିବା ଦେଖିବାକୁ ମିଳିଛି। ପୋଲିସ୍ କୁ ଭୟ ନକରି ପୂର୍ଣ୍ଣ ସହଯୋଗ କରିବାପାଇଁ ଆସିଷ୍ଟାଣ୍ଡ୍ କମାଣ୍ଡେଣ୍ଟ୍ ଶ୍ରୀ ରାଓ ଲୋକଙ୍କୁ ନିଜ ବକ୍ତବ୍ୟରେ ବୁଝେଇଥିଲେ। ଏହି କାର୍ୟ୍ୟକ୍ରମ ଟିକୁ ଚତୁର୍ଥ ବାଟାଲିୟନ ସି.ଆର୍.ପିଏଫ୍ ର ସମସ୍ତ ଜବାନ ମାନେ ଉପସ୍ଥିତ ରହି ପୂର୍ଣ୍ଣ ସହଯୋଗ କରିଥିଲେ।
