ଭୁବନେଶ୍ୱର: ଓସିଏ ସଭାପତି ପଦରୁ ଇସ୍ତଫା ନେଇଛନ୍ତି ପ୍ରଣବ ପ୍ରକାଶ ଦାସ। ପ୍ରଣବ ପ୍ରକାଶ ଓସିଏ ସଭାପତି ପଦ ଛାଡିଲେ । ଇସ୍ତଫା ନେଇ ଓସିଏ କାର୍ଯ୍ୟାଳୟ ସୂତ୍ରରୁ ସୂଚନା । ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଥିବା ନେଇ ସୂଚନା ରହିଛି । ତେବେ କିଛି ବ୍ୟକ୍ତିଙ୍କ ପାଇଁ ପଦ ଛାଡିଛନ୍ତି । ତେବେ ବିଜୁ ଜନତା ଦଳ ବବି ଦାସଙ୍କୁ ବଡ ବଡ କାର୍ଯ୍ୟରୁ ଦୁରେଇ ରଖୁଥିବା ମଧ୍ୟ ସୂଚନା ରହିଛି ।
ଗତ ୨୦୨୨ ମସିହାରେ ଓସିଏର ସଭାପତି ଦାୟିତ୍ୱ ନେଇଥିଲେ ପ୍ରଣବ ପ୍ରକାଶ ଦାସ । ପ୍ରଣବ ନିର୍ଦ୍ୱନ୍ଦ୍ୱରେ ଓସିଏ ସଭାପତି ନିର୍ବାଚନରେ ଜିତିଥିଲେ । ପୂର୍ବରୁ ଏହି ପଦରେ ସଞ୍ଜୟ ବେହେରା ରହିଥିଲେ । ତେବେ ପ୍ରଣବ ସଭାପତି ଦାୟିତ୍ୱ ନେବାପରେ ଓସିଏର କାର୍ଯ୍ୟ କରିବା ଢାଞ୍ଚାରେ ପରିବର୍ତ୍ତନ ଆସିଥିଲା । ଏହାର ପ୍ରଭାବ ଖେଳାଳିଙ୍କ ପ୍ରଦର୍ଶନ ଉପରେ ପଡ଼ୁଥିବା ମଧ୍ୟ କୁହାଯାଉଥିଲା । ଗତ ଦୁଇ ବର୍ଷରେ ଓଡ଼ିଶା ଟିମ୍ କୌଣସି ଆଖିଦୃଶିଆ ପ୍ରଦର୍ଶନ ମଧ୍ୟ କରିପାରିନଥିଲା । ଫଳରେ ଗତ ଜୁଲାଇ ମାସରେ ପ୍ରଣବଙ୍କ ଇସ୍ତଫା ଦାବି ମଧ୍ୟ କରାଯାଇଥିଲା । ଶେଷରେ ପ୍ରବଣ ଓସିଏ ସଭାପତି ପଦରୁ ଇସ୍ତଫା ଦେଇଛନ୍ତି । କିନ୍ତୁ ଇସ୍ତଫାର କାରଣ ବ୍ୟକ୍ତିଗତ ବୋଲି ଦର୍ଶାଯାଇଛି । ସେପଟେ କିନ୍ତୁ ଇସ୍ତଫା ନେଇ ପ୍ରଣବ ପ୍ରକାଶ ଦାସଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।