ଦୁଇ ଦିନିଆ ଇସ୍ରାଏଲ ଗସ୍ତରେ ପ୍ରଧାନମନ୍ତ୍ରୀ ମୋଦୀ, ବିମାନବନ୍ଦରରେ ସ୍ବାଗତ କଲେ ପ୍ରଧାନମନ୍ତ୍ରୀ ନେତନ୍ୟାହୁ
ନୂଆଦିଲ୍ଲୀ: ପ୍ରଧାନମନ୍ତ୍ରୀ Narendra Modi ଦୁଇ ଦିନିଆ ଇସ୍ରାଏଲ ଗସ୍ତରେ Tel Aviv ପହଞ୍ଚିଛନ୍ତି। ବିମାନବନ୍ଦରରେ ତାଙ୍କୁ ଭବ୍ୟ ସ୍ଵାଗତ ଜଣାଯାଇଛି। ଇସ୍ରାଏଲର ପ୍ରଧାନମନ୍ତ୍ରୀ Benjamin Netanyahu ଓ ତାଙ୍କ ପତ୍ନୀ Sara Netanyahu ବିମାନବନ୍ଦରକୁ ପହଞ୍ଚି ପିଏମ୍ ମୋଦୀଙ୍କୁ ଅଭିନନ୍ଦନ ଜଣାଇଥିଲେ। ନେତନ୍ୟାହୁ ପ୍ରୋଟୋକଲ୍ ଭାଙ୍ଗି ସ୍ୱୟଂ ବିମାନବନ୍ଦରକୁ ଯାଇ ମୋଦୀଙ୍କୁ ଆଲିଙ୍ଗନ କରି ସ୍ଵାଗତ କରିଥିଲେ। ପିଏମ୍ ମୋଦୀଙ୍କୁ ଗାର୍ଡ ଅଫ ଅନର ମଧ୍ୟ ଦିଆଯାଇଛି। ଉଲ୍ଲେଖନୀୟ ଯେ, ପ୍ରଧାନମନ୍ତ୍ରୀ ମୋଦୀ ୯ ବର୍ଷ ପରେ ଇସ୍ରାଏଲ ଗସ୍ତ କରୁଛନ୍ତି। ଏହା ପୂର୍ବରୁ ସେ ୨୦୧୭ ମସିହାରେ ଇସ୍ରାଏଲ ଗସ୍ତ କରିଥିଲେ।
ଆଜି ପିଏମ୍ ମୋଦୀ ଇସ୍ରାଏଲର ସଂସଦ Knessetକୁ ସମ୍ବୋଧନ କରିବେ। ସେଥିସହ ସେ Jerusalem ଗସ୍ତ କରିବେ। ଇସ୍ରାଏଲ ସଂସଦକୁ ସମ୍ବୋଧନ କରିବାରେ ସେ ଭାରତର ପ୍ରଥମ ପ୍ରଧାନମନ୍ତ୍ରୀ ହେବେ ବୋଲି କୁହାଯାଉଛି। ନେତନ୍ୟାହୁଙ୍କ ନିମନ୍ତ୍ରଣକ୍ରମେ ପ୍ରଧାନମନ୍ତ୍ରୀ ମୋଦୀ ଏହି ଗସ୍ତରେ ଯୋଗ ଦେଇଛନ୍ତି। ଏହି ସମୟରେ ସେ ଇସ୍ରାଏଲର ରାଷ୍ଟ୍ରପତି Isaac Herzogଙ୍କ ସହିତ ମଧ୍ୟ ସାକ୍ଷାତ କରିବେ।
ସନ୍ଧ୍ୟାରେ ପିଏମ୍ ମୋଦୀ ଓ ନେତନ୍ୟାହୁଙ୍କ ମଧ୍ୟରେ ଦ୍ୱିପାକ୍ଷିକ ବୈଠକ ହେବ। ପରେ ମୋଦୀଙ୍କ ସମ୍ମାନରେ ରାତ୍ରିଭୋଜର ବ୍ୟବସ୍ଥା କରାଯାଇଛି। ଏହି ଗସ୍ତକୁ ଦୁଇ ଦେଶର କୌଶଳୀକ ଓ ଆର୍ଥିକ ସମ୍ପର୍କ ଦୃଷ୍ଟିରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମନେ କରାଯାଉଛି। ଇସ୍ରାଏଲର କିଛି ବିରୋଧୀ ଦଳ ପିଏମ୍ ମୋଦୀଙ୍କ ସଂସଦୀୟ ସମ୍ବୋଧନକୁ ବହିଷ୍କାର କରିବାକୁ ଧମକ ଦେଇଥିବା ଖବର ମିଳିଛି।