ଭଦ୍ରକ ଜିଲ୍ଲା ଚାନ୍ଦବାଲି ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ନିଖିଳ ଭାରତ ସ୍ବାୟତ ଶାସନ ଦିବସ ପାଳିତ ହୋଇଛି । ଏହି ଦିବସ ଉପଲକ୍ଷେ ଚାନ୍ଦବାଲି ଏନ୍ଏସିରେ ପତାକା ଉତ୍ତୋଳନ ପରେ ବିଜୁସ୍ମୃତି ଭବନରେ ଏକ ସାଧାରଣ ସଭା ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଦ୍ରକ ଜିଲ୍ଲାର ସାଂସଦ ଅଭିମନ୍ୟୁ ସେଠୀ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ, ବିଡିଓ ସଂଜୀବ ମହାପାତ୍ର, ତହସିଲଦାର ଭବତୋଷ ମଲ୍ଲିକ,କାର୍ଯ୍ୟନିର୍ବାହୀ ଅଧିକାରୀ ଆଭାସ ରଞ୍ଜନ ପାଣିଗ୍ରାହୀ,ଚାନ୍ଦବାଲି ଏନ. ଏସି ର ଅଧ୍ୟକ୍ଷା ଶାନ୍ତି ଲତା ସେଠୀ,ସହକାରୀ ଯନ୍ତ୍ରୀ ପ୍ରଭାତ କୁମାର ସାହୁ ପ୍ରମୁଖ ଉପସ୍ଥିତ ରହି ସଭା କାର୍ଯ୍ୟ କରାଯିବା ସହିତ ସ୍ବାୟତ ଶାସନ ବିଷୟରେ ଲୋକ ମାନଙ୍କୁ ଅବଗତ କରାଇଥିଲେ । ୧୯୩୬ ମସିହା ଏପ୍ରିଲ ୧ ତାରିଖ ଓଡ଼ିଶା ଏକ ସ୍ବତନ୍ତ୍ର ପ୍ରଦେଶ ଗଠନ ପରେ ନିଜର ଶାସନ ନିଜ ହାତରେ ଅଧିକାର ରହିଛି ଯାହାକି ଗାଁ ଗାଁରେ ଗଣତନ୍ତ୍ରକୁ ମଜବୁତ କରୁଛି। ଏହି କାର୍ଯ୍ୟକ୍ରମରେ ସହରାଞ୍ଚଳର ସ୍ବାୟତ ଶାସନକୁ ସୁଦୃଢ଼ କରିବାରେ ସମସ୍ତଙ୍କ ସହଭାଗିତାରେ ଆବଶ୍ୟକତା ରହିଛି। ଏହି ସମ୍ପର୍କରେ ଭଦ୍ରକ ସାଂସଦ ଅଭିମନ୍ୟୁ ସେଠୀ କହିଛନ୍ତି ବିକାଶ ଦିଗରେ ଚାନ୍ଦବାଲି ବହୁ ଆଗରେ ଅଛି। ଆଗାମୀ ଦିନରେ ବିକାଶ ଦିଗରେ ସମସ୍ତ ଉଦ୍ୟମ ସହଯୋଗ ରହିଲେ ନିଶ୍ଚିତ ଭାବେ ଚାନ୍ଦବାଲି ଆହୁରି ବିକଶିତ ହେବ।
