ଟ୍ରେନରୁ ହଟିବ ଭିଆଇପି କଲଚର। ବନ୍ଦେ ଭାରତ ସ୍ଲିପର୍ ଟ୍ରେନରେ ଚଳିବନି କୋଟା ସିଷ୍ଟମ। କେବଳ କନଫର୍ମ ଟିକେଟ୍ ଥିବା ଯାତ୍ରୀଙ୍କୁ ମିଳିବ ସିଟ୍। ସମସ୍ତଙ୍କୁ ମିଳିବ ସମାନ ସୁବିଧା। ଆଉ ଅଫିସର କୋଟା ଦେଖାଇ କେହି ବି ପାଇ ପାରିବେନି ମନଇଚ୍ଛା ସିଟ୍। ଭାରତୀୟ ରେଲୱେ ବନ୍ଦେ ଭାରତ ସ୍ଲିପର ଟ୍ରେନ୍ ପାଇଁ ଏଭଳି କିଛି ବ୍ୟବସ୍ଥା ଆଣିବାକୁ ପ୍ରସ୍ତୁତି ଚଳାଇଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ବନ୍ଦେ ଭାରତ ସ୍ଲିପର୍ ଟ୍ରେନ୍ରେ କୌଣସି ଭିଆଇପି କିମ୍ବା ଜରୁରୀକାଳୀନ କୋଟା ରହିବ ନାହିଁ। ବରିଷ୍ଠ ରେଳ ଅଧିକାରୀମାନଙ୍କୁ ମଧ୍ୟ ପାସ୍ ସହିତ ଯାତ୍ରା କରିବାକୁ ଅନୁମତି ଦିଆଯିବ ନାହିଁ। କେବଳ କନଫର୍ମ ଟିକେଟ୍ ଜାରି କରାଯିବ। ଏହା ବ୍ୟତୀତ, କୌଣସି ଆରଏସି ଟିକେଟ୍ ବି ରହିବ ନାହିଁ।
କମ୍ବଳ କଭର ସମେତ ଯାତ୍ରୀଙ୍କ ବେଡ୍ ଲିନେନ୍ ସମ୍ପୂର୍ଣ୍ଣ ଭାବରେ ଉନ୍ନତ କରାଯିବ। ଏହାର ଗୁଣବତ୍ତା ନିୟମିତ ଟ୍ରେନଗୁଡ଼ିକ ଅପେକ୍ଷା ବେଶ୍ ଉନ୍ନତ ହେବ। ଟ୍ରେନରେ ଭାରତୀୟଙ୍କ ଝଲକ ଦେଖାଇବା ପାଇଁ କର୍ମଚାରୀଙ୍କ ପୋଷାକ ଭାରତୀୟ ସଂସ୍କୃତି ଏବଂ ପରମ୍ପରାକୁ ପ୍ରତିଫଳିତ କରିବ। ଖାଲି ସେତିକି ନୁହେଁ ଖାଦ୍ୟ ପେୟ ଉପରେ ମଧ୍ୟ ବିଶେଷ ଧ୍ୟନ ଦିଆଯିବ। ଯାତ୍ରୀମାନେ ଦେଶୀ ଖାଦ୍ୟର ସ୍ବାଦ ଚାଖିବେ। ବନ୍ଦେ ଭାରତ ସ୍ଲିପର ଟ୍ରେନ୍ ସମ୍ପୂର୍ଣ୍ଣ ଭାବରେ ଉପନିବେଶବାଦୀ ବ୍ୟବସ୍ଥାରୁ ମୁକ୍ତ ହେବା। ପ୍ରତ୍ୟେକ ଯାତ୍ରୀ ଯେପରି ସମାନ ନିୟମ ଅନୁଯାୟୀ ଯାତ୍ରା ଅନୁଭବ ପାଇବେ ତାହା ହିଁ ଲକ୍ଷ୍ୟ ରହିଛି ବୋଲି ରେଳବାଇ କହିଛି।
ବନ୍ଦେ ଭାରତ ସ୍ଲିପର ଟ୍ରେନରେ ଯାତ୍ରା କରୁଥିବା ଯାତ୍ରୀମାନଙ୍କୁ ସମ୍ପୂର୍ଣ୍ଣ ଅପଗ୍ରେଡେଡ୍ ବେଡରୋଲ୍ ଯୋଗାଇ ଦିଆଯିବ, ଯାହା ଅନ୍ୟ ଟ୍ରେନରେ ଉପଲବ୍ଧ ବେଡରୋଲ୍ ଅପେକ୍ଷା ସମ୍ପୂର୍ଣ୍ଣ ଭିନ୍ନ ଏବଂ ଉନ୍ନତ ଗୁଣବତ୍ତାର ହେବ। ବନ୍ଦେ ଭାରତ ସ୍ଲିପର ଟ୍ରେନରେ ଯାତ୍ରୀମାନଙ୍କୁ ସ୍ଥାନୀୟ ଖାଦ୍ୟ ପରିବେଷଣ କରାଯିବ। ଟ୍ରେନ୍ରେ ଉପସ୍ଥିତ ସମସ୍ତ କର୍ମଚାରୀ ଉତ୍ସର୍ଗୀକୃତ ୟୁନିଫର୍ମରେ ରହିବେ। ଦେଶର ପ୍ରଥମ ବନ୍ଦେ ଭାରତ ସ୍ଲିପର ଟ୍ରେନରେ ମୋଟ ୧୮ଟି କୋଚ୍ ରହିବ। ଏଥିରେ ଗୋଟିଏ ପ୍ରଥମ ଏସି, ୪ଟି ଦ୍ୱିତୀୟ ଏସି ଏବଂ ୧୧ଟି ତୃତୀୟ ଏସି କୋଚ୍ ରହିବ। ବନ୍ଦେ ଭାରତ ସ୍ଲିପର ଟ୍ରେନରେ ମୋଟ ୮୧୩ଟି ସିଟ୍ ରହିବ ଯେଉଁଥିରେ ତୃତୀୟ ଏସିର ୬୧୧ଟି, ଦ୍ୱିତୀୟ ଏସିର ୧୮୮ଟି ଏବଂ ପ୍ରଥମ ଏସିର ୨୪ଟି ସ୍ଲିପର ସିଟ୍ ଅନ୍ତର୍ଭୁକ୍ତ।
