ପହଲଗାମ-: ପହଲଗାମ ଆକ୍ରମଣର ୯ ଦିନ ପରେ ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ) ମହାନିର୍ଦେଶକ(ଡିଜି) ସଦାନନ୍ଦ ହୋତେ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଛନ୍ତି । ଅଧିକାରୀମାନେ ବର୍ତ୍ତମାନ ପର୍ଯ୍ୟନ୍ତ ଯହା ସବୁ ତଦନ୍ତ କରିଛନ୍ତି, ତାହାର ଅଗ୍ରଗତି ଯାଞ୍ଚ କରିବା ସହିତ ସମୀକ୍ଷା କରିଥିଲେ । ସମୀକ୍ଷା ପରେ ଏନଆଇଏ ଟିମ ତଦନ୍ତର ଚୂଡ଼ାନ୍ତ ରିପୋର୍ଟ ପ୍ରସ୍ତୁତ କରିବ ।
ଏନ୍ଆଇ ଯାଞ୍ଚରୁ ମିଳିଥିବା ତଥ୍ୟ ଅନୁସାରେ ଏପ୍ରିଲ ୧୫ରେ ପହଲଗାମରେ ପହଞ୍ଚିଥିଲେ ଆତଙ୍କବାଦୀ । ହମଲାର ୨ ଦିନ ପୂର୍ବରୁ ଆତଙ୍କବାଦୀ ବୈସରନ ଘାଟିରେ ପହଞ୍ଚିଥିଲେ । ୩ଟି ସ୍ଥାନରେ ରେକି କରିଥିଲେ ଆତଙ୍କୀବାଦୀ । ବୈସରନ ଘାଟି ଛଡ଼ା ଅନ୍ୟ ୩ଟି ସ୍ଥାନ ବୈତାବ, ଆରୁ ଏବଂ ଏମଜୁରମେଣ୍ଟ ପାର୍କରେ ରେକି କରିଥିଲେ । ଏହା ସହ ୩ଟି ସାଟେଲାଇଟ୍ ଫୋନ୍ ବ୍ୟବହାର କରିଥିବା ଏନଆଇଏ ଯାଞ୍ଚରୁ ସୂଚନା ମିଳିଛି । ଏବେ ଦକ୍ଷିଣ କାଶ୍ମୀର ଜଙ୍ଗଲରେ ଲୁଚି ରହିଛନ୍ତି ପହଲଗାମ ଆତଙ୍କୀ ।