‘ଦିଦି’ ରୁ ‘ଆମ୍ମା’ ହେବା ପରେ ଚର୍ଚ୍ଚାରେ ମମତା ବାନାର୍ଜୀ

(କୋଲକତା) : ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସମସ୍ତେ ‘ଦିଦି’ ନାମରେ ଜାଣନ୍ତି। ପଶ୍ଚିମବଙ୍ଗର ‘ଦିଦି’ ଏବେ ତାମିଲନାଡୁରେ ‘ଆମ୍ମା’ ହୋଇଯାଇଛନ୍ତି। ଏହାର ପ୍ରମାଣ ଦକ୍ଷିଣ ଭାରତୀୟ ରାଜ୍ୟର କାନ୍ଥରେ ଅଙ୍କିତ ମମତା ବାନାର୍ଜୀଙ୍କୀ ଚିତ୍ରରୁ ପ୍ରମାଣ ମିଳିଛି । ମମତାଙ୍କୁ ସେଠାରେ ‘ଆମ୍ମା’ କହି ସମ୍ବୋଧିତ କରାଯାଇଛି। ତାମିଳନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ. ଜୟଲଳିତାଙ୍କୁ ‘ଆମ୍ମା’ ବୋଲି କୁହାଯାଇଥାଏ। ତୃଣମୂଳ କଂଗ୍ରେସ ସରକାରରେ ମନ୍ତ୍ରୀ ଏହି ଚିତ୍ରର ସମ୍ପର୍କ ଗତ ମାସରେ ଶେଷ ହୋଇଥିବା ବିଧାନସଭା ନିର୍ବାଚନ ସହ ଯୋଡିଛନ୍ତି।

ସୂଚନାନୁଯାୟୀ , ତାମିଲନାଡୁରେ ‘ଆମ୍ମା’ର ଅର୍ଥ ହେଉଛି ମା’ । ପଶ୍ଚିମବଙ୍ଗରେ ‘ଦିଦି’ ଓ ତାମିଲନାଡୁରେ ‘ଆମ୍ମା’ର ରାଜନୈତିକ ଗୁରୁତ୍ବ ସାମନ ରହିଛି। ପଶ୍ଚିମବଙ୍ଗ ସରକାରରେ କ୍ୟାବିନେଟ୍ ମନ୍ତ୍ରୀ ଥିବା ସୁବ୍ରତ ମୁଖାର୍ଜୀ କହିଛନ୍ତି, ପଶ୍ଚିମବଙ୍ଗରେ ହୋଇଥିବା ଯୁଦ୍ଧକୁ ପୁରା ଭାରତ ଦେଖିଛି। କୌଣସି ପ୍ରକାରରେ ଦିଦିଙ୍କର ରାଷ୍ଟ୍ରୀୟ ସ୍ତରରେ ଖୁବ୍ ଭଲ ସ୍ଥିତି ରହିଛି ଓ ଏହି ବିଜୟ ସହିତ ଉତ୍ତର ଭାରତରୁ ନେଇ ଦକ୍ଷିଣ ପର୍ଯ୍ୟନ୍ତ ସମସ୍ତେ ତାଙ୍କ ବିଷୟରେ କଥା ହେଉଛନ୍ତି। ଏଭଳି ଭାବରେ ଏହି ଚିତ୍ର ସାମନାକୁ ଆସିଛି।