ରେଢ଼ାଖୋଲ : ଆଶ୍ଚର୍ଯ୍ୟ ଲାଗିଲେ କଥା ଟି କିନ୍ତୁ ସତ ; ଛେଳି ଛୁଆର ଗୋଡ ତ ଥିଲା ହେଲେ ମୁହଁ ଟି ଏକଦମ ମଣିଷ ଭଳି ଦିଶୁଥିଲା। ମଣିଷ ମୁହଁ ଆକୃତିର ଛେଳି ଛୁଆ ଟି ଜନ୍ମ ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡ ଅନ୍ତର୍ଗତ ନାକଟିଦେଉଳ ବ୍ଲକରେ ହୋଇଛି । ସେହି ସ୍ଥାନର ସରାପାଲି ପଞ୍ଚାୟତର ମାରୁଆଡିମୁଣ୍ଡା ଗାଁରେ ଦେଖିବାକୁ ମିଳିଛି ଏହି ଅଦ୍ଭୁତ ଛେଳି ଛୁଆ । ସେହି ଗାଁର ମାହାର ସାହିରେ ରହୁଥିବା ଗୋବିନ୍ଦ ମାହାରଙ୍କ ଘରେ ତାଙ୍କର ଛେଳି ଏପରି ଏକ ଛୁଆକୁ ଜନ୍ମ ଦେଇଛି। ଯାହାର ମୁହଁଟି ଅବିକଳ ମଣିଷ ଭଳି ଦେଖାଯାଉଛି ।
ଯାହା ସୂଚନା ରହିଛି, ଛେଳି ଭଳି ତା’ର ୪ଟି ଗୋଡ ମଧ୍ୟ ରହିଛି । ଧୀରେ ଧୀରେ ଏହି ଖବର ପ୍ରଘଟ ହେବା ପରେ ଏହି ଅଦ୍ଭୁତ ଛେଳି ଛୁଆକୁ ଦେଖିବାକୁ ସ୍ଥାନୀୟ ଲୋକଙ୍କ ବେଶ ଭିଡ଼ ହୋଇଥିଲା। ତେବେ ଏହି ମଣିଷ ମୁହାଁ ଛେଳି ଛୁଆଟି ମୃତ ଭାବେ ଜନ୍ମ ହୋଇଥିଲା । ପରେ ଏହାକୁ ମାଟିରେ ପୋତି ଦିଆଯାଇଥିବା ଜଣାପଡିଛି।