ସୋନପୁର: ଆମ୍ବୁଲାନ୍ସରୁ ଜବତ ହେଲା ୧ କୁଇଣ୍ଟାଲରୁ ଅଧିକ ଗଞ୍ଜେଇ । ସୂଚନା ଅନୂଯାୟୀ ସୋନପୁର ବ୍ଲକ ଛକରେ ଅବକାରୀ ବିଭାଗ ପକ୍ଷରୁ ବିପୁଳ ପରିମାଣରେ ଗଞ୍ଜେଇ ଜବତ କରାଯାଇଛି। ଆମ୍ବୁଲାନ୍ସରେ ଛତିଶଗଡ଼କୁ ଗଞ୍ଜେଇ ଚାଲାଣ ହେଉଥିବା ବେଳେ ଖବର ପାଇ ଅବକାରୀ ବିଭାଗ ପକ୍ଷରୁ ଚଢ଼ଉ କରାଯାଇଥିଲା । ଏହି ମାମଲାରେ ଜଣଙ୍କୁ ଗିରଫ କରାଯାଇଛି। ଅଭିଯୁକ୍ତ ହେଲେ ଛତିଶଗଡ଼ ରାୟପୁର ଜିଲ୍ଲା ତେଲିବନ୍ଧର ଉପେନ୍ଦ୍ର ସାହୁ । ସେ ବୌଦ୍ଧ ଜିଲ୍ଲା ମନମୁଣ୍ଡା ପଟରୁ ଛତିଶଗଡ଼କୁ ଗଞ୍ଜେଇ ଚାଲାଣ କରୁଥିବାବେଳେ ସୋନପୁର ବ୍ଲକ ଛକରେ ସୋନପୁର ଅବକାରୀ ବିଭାଗ ଉପେନ୍ଦ୍ର ସାହୁଙ୍କୁ ଧରିଥିଲା । ଆମ୍ବୁଲାନ୍ସରୁ କୁଇଣ୍ଟାଲ ୨୦ କେଜି ଗଞ୍ଜେଇ ଜବତ କରାଯାଇଥିବାର ସୂଚନା ମିଳିଛି ।
