ଭୁବନେଶ୍ୱର: ଦିନକୁ ଦିନ ଭୁବନେଶ୍ୱର ରେ ତାପମାତ୍ରା ବଢ଼ି ଚାଲିଥିବାରୁ ଜନସାଧାରଣ ଙ୍କ ସେବା ଉଦ୍ଦେଶ୍ୟରେ, ୟୁନିଟ୍ ୯ ସ୍ଥିତ ଆଇ ଡି ବି ଆଇ ବ୍ୟାଙ୍କ୍ ନିକଟରେ, ନେତାଜୀ ଆଜାଦ ହିନ୍ଦ୍ କ୍ଲବ୍ ଦ୍ଵାରା ଏକ ଜଳସେବା କେନ୍ଦ୍ର ସ୍ଥାପନ କରାଯାଇଛି।ଜୟ ଓଡ଼ିଶା ଏହି ମହତ୍ କାର୍ଯ୍ୟରେ ବିହିତ ସହଯୋଗ କରିଥିବା ବେଳେ, ଏହି ଜଳଛତ୍ର ର ଶୁଭାରମ୍ଭ ରେ, ଟ୍ରାଫିକ ଏ ସି ପି ଶ୍ରୀ ସ୍ଵସ୍ତିକ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ, ଅନ୍ୟାନ୍ୟ ଅତିଥି ଭାବେ, ୱାର୍ଡ ନଂ ୩୫ ର ପୂର୍ବତନ କର୍ପୋରେଟର ଶ୍ରୀ ଦେବାଶିଷ ସିଟ୍ ଓ ଡଃ ସତ୍ୟଜିତ ଯୋଗ ଦେଇଥିଲେ। ନେତାଜୀ ଆଜାଦ ହିନ୍ଦ୍ କ୍ଲବ୍ ର ସଞ୍ଜୟ ମିସଲ,ଗୋପୀନାଥ ଦାସ, ବଳରାମ ଦାସ, ଲୋକନାଥ ଦାସ ଓ ଅନେକ ଯୁବବର୍ଗ ଏହି ଜଳସେବା କେନ୍ଦ୍ରର ପରିଚାଳନାରେ ସାମିଲ ହୋଇଥିଲେ। ଏପରି ସମୟରେ ଆଜିର ଯୁବାବର୍ଗ ମାନେ ମିଳିତ ଭାବେ ବିଭିନ୍ନ ଜନସେବା ମୂଳକ କାର୍ଯ୍ୟ କରୁଥିବାର ଦେଖା ଯାଉଛି, ବିଶେଷ କରି ନେତାଜୀ ଆଜାଦ ହିନ୍ଦ୍ କ୍ଲବ୍ ର ସଦସ୍ୟ ମାନେ ସବୁ ସମୟରେ ସମାଜସେବା କାର୍ଯ୍ୟରେ ସକ୍ରିୟl ରହୁଥିବାରୁ ତାଙ୍କୁ ଧନ୍ୟବାଦ୍ ଜଣାଇଥିଲେ ଶ୍ରୀ ଦେବାଶିଷ ସିଟ୍। ଆଇ ଡି ବି ଆଇ ବ୍ୟାଙ୍କ୍ ନିକଟସ୍ଥ ସ୍ଥାନ ଗୁଡିକ ସବୁ ସମୟରେ ଜନ ଗହଳି ପୂର୍ଣ୍ଣ ରହୁଥିବାରୁ ଏହି ଜଳସେବା କେନ୍ଦ୍ର ଟି ନିଶ୍ଚିତ ଭାବେ ହଜାର ହଜାର ଲୋକଙ୍କ ତୃଷ୍ଣା ମେଣ୍ଟାଇବାରେ ସହାୟକ ହେବ ବୋଲି, ବିଜୁ ଜନତା ଦଳର ରାଜ୍ୟ ଯୁଗ୍ମ ସମ୍ପାଦକ ତଥା ଜୟ ଓଡ଼ିଶା ର ସଭାପତି ଶ୍ରୀ ରୁଦ୍ର ନାରାୟଣ ସାମନ୍ତରାୟ କହିଛନ୍ତି।
