ହରିୟାଣା : ଓମ ପ୍ରକାଶ ଚୌତାଲାଙ୍କ ଦେହାନ୍ତ ହୋଇଛି । ହରିୟାଣାର ପୂର୍ୱତ୍ତନ ମୁଖ୍ୟମନ୍ତ୍ରୀ ଓମ ପ୍ରକାଶ ଚୌତାଲାଙ୍କ ଦେହାନ୍ତ ହୋଇଛି । ଗୁରୁଗ୍ରାମ ସ୍ତିତ ବାସଭବନରେ ଆଖିବୁଜିଲେ ଓମ ପ୍ରକାଶ । ୮୯ ବର୍ଷ ବୟସରେ ଓମ ପ୍ରକାଶ ଚୌତାଲାଙ୍କ ପରଲୋକ ହୋଇଛି ।
ଓମପ୍ରକାଶ ଚୌତାଲା ଭାରତର ପୂର୍ବତନ ଉପପ୍ରଧାନମନ୍ତ୍ରୀ ଦେବୀଲାଲଙ୍କ ପୁଅ ଥିଲେ । ହରିୟାଣା ରାଜନୀତିରେ ସେ ଜଣେ ପ୍ରତିଷ୍ଠିତ ଚେହେରା ଥିଲେ । ତାଙ୍କର ଦୁଇ ପୁଅ ଏବଂ ତିନି ଝିଅ । ପୁଅ ଅଭୟ ସିଂ ଚୌଟାଲା ଓ ଅଜୟ ସିଂ ଚୌଟାଲା ମଧ୍ୟ ରାଜନୀତିରେ ସକ୍ରିୟ ଅଛନ୍ତି । ଓମପ୍ରକାଶ ଚୌଟାଲାଙ୍କ ନାତି ଦୁଷ୍ମନ୍ତ ଚୌଟାଲା ହରିୟାଣାର ପୂର୍ବ ସରକାରରେ ଉପମୁଖ୍ୟମନ୍ତ୍ରୀ ଥିଲେ । ଚୌଟାଲା ୧୯୮୯ ଡିସେମ୍ବର ୨ରୁ ୧୯୯୦ ମେ’ ୨୨ ପର୍ଯ୍ୟନ୍ତ, ୧୯୯୦ ଜୁଲାଇ ୧୨ରୁ ୧୭ ପର୍ଯ୍ୟନ୍ତ, ୧୯୯୧ ମାର୍ଚ୍ଚ ୨୨ରୁ ଏପ୍ରିଲ ୬ ପର୍ଯ୍ୟନ୍ତ ଏବଂ ପୁଣି ୧୯୯୯ ଜୁଲାଇ ୨୪ରୁ ୨୦୦୫ ମାର୍ଚ୍ଚ ୫ ପର୍ଯ୍ୟନ୍ତ ହରିୟାଣାର ମୁଖ୍ୟମନ୍ତ୍ରୀ ଥିଲେ ।