ଖୋର୍ଦ୍ଧା: ପାରିବାରିକ ହିଂସା ନେଲା ଉଗ୍ର ରୁପ । ସ୍ୱାମୀର ଛୁରା ମାଡରେ ପତ୍ନୀ ଗୁରୁତର । ପତ୍ନୀର ବେକରେ ଲାଗିଛି ଗଭୀର ଆଘାତ । ପ୍ରବଳ ରକ୍ତ ସ୍ରାବ ଯୋଗୁଁ ପତ୍ନୀ ଗୁରୁତର ହୋଇଛନ୍ତି । ଗୁରୁତର ପତ୍ନୀଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି । ସ୍ୱାମୀର ଛୁରା ମାଡ ଯୋଗୁଁ ପତ୍ନୀର ବେକରେ ଗଭୀର କ୍ଷତ ହେବା ସହ ପ୍ରବଳ ରକ୍ତସ୍ରାବ ହୋଇଛି । ସେଥିପାଇଁ ଅଧିକ ଚିକିତ୍ସା ଲାଗି ପତ୍ନୀଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି । ପତ୍ନୀଙ୍କର ନାମ ପ୍ରଭାସୀନି ସାହୁ ୩୦ ବର୍ଷ , ଘର ଖୋର୍ଦ୍ଧା ,ଜିଲ୍ଲା ଟାଙ୍ଗୀ ଗୋଡିପାଟଣା ସାହିରେ । ସେ ପ୍ରେମ ବିବାହ କରିଥିଲେ କୁଲୁ ସାହୁଙ୍କୁ । ତାଙ୍କର ୨ ଟି କନ୍ୟା ସନ୍ତାନ ଥିବା ଜଣା ପଡିଛ । ସ୍ୱାମୀ ସ୍ତ୍ରୀଙ୍କ ମଧ୍ୟ୍ୟରେ ବିବାଦ ଯୋଗୁଁ ପତ୍ନୀ ନିଜ ବାପ ଘରେ ଟାଙ୍ଗୀ ପଟନାୟକ ସାହିରେ ରହି ଆସୁଥିଲେ । ପତ୍ନୀ ପ୍ରଭାସିନୀ ବାପ ଘରେ ରହିବା ସହ ଭୁବନେଶ୍ବର ରେ ଏକ ଘରୋଇ କଂପାନିରେ ରିସେପସନିଷ୍ଟ ଭାବରେ କାମ କରୁଥିଲେ । ଆଜି ଅପରାହ୍ନରେ ପ୍ରଭାତୀ ନିଜ ଝିଅ ଶହ ଭୁବନେଶ୍ୱର ଯିବା ବେଳେ ଟାଙ୍ଗୀ ବସ୍ ଷ୍ଟାଣ୍ଡରେ ଛୁରା ମାରିଥିଲା ତାର ସ୍ୱାମୀ କୁଲୁ ସାହୁ. । ଜୀବନରେ ମାରି ଦେବା ପାଇଁ କୁଲୁ ସାହି ପ୍ରଭାତୀର ବେକରେ ଛୁରାରେ ଗଭୀର ଆଘାତ କରିଥିଲା । ଝିଅର ଚିତ୍କାର ଶୁଣି ନିଜ ଝିଅକୁ ବଂଚାଇବାକୁ ଯାଇ ବାପ ଶ୍ରୀମନ୍ତ ମାନସିଂ ଆହତ ହୋଇଛନ୍ତି । ବାପ ଶ୍ରୀମନ୍ତ ମାନସିଂର ହାତରେ ଗଭୀର କ୍ଷତ ହୋଇଥିବା ଜଣା ପଡିଛି..ସ୍ୱାମୀକୁ ଅଟକ ରଖି ତଦନ୍ତ କରୁଛି ଟାଙ୍ଗୀ ପୋଲିସ୍ । ମେଡିକାଲରେ ଟାଙ୍ଗୀ ଥାନା ଆଇ ଆଇ ସି ଦିଗ ବିଜୟ ବିଶ୍ୱାଳ ପହଂଚି ତଦନ୍ତ ଜାରିରଖିଛନ୍ତି ।
