ଜମ୍ମୁ-କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ଉପରେ ଏକ ସ୍ୱତନ୍ତ୍ର ବିଧାନସଭା ଅଧିବେଶନରେ ମୁଖ୍ୟମନ୍ତ୍ରୀ ଓମର ଅବଦୁଲ୍ଲା ମୃତକମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ଆକ୍ରମଣରେ ମୃତ୍ୟୁବରଣ କରିଥିବା ସମସ୍ତ ୨୬ ଜଣ ପର୍ୟ୍ୟଟକଙ୍କ ନାମ ନେଇଥିଲେ। ସେ କହିଛନ୍ତି ଉତ୍ତରରୁ ଦକ୍ଷିଣ ଏବଂ ପୂର୍ବରୁ ପଶ୍ଚିମ, ଅରୁଣାଚଳରୁ ଗୁଜରାଟ, ଜମ୍ମୁ କାଶ୍ମୀର, କେରଳ ଏବଂ ମଧ୍ୟବର୍ତ୍ତୀ ସମସ୍ତ ରାଜ୍ୟ ପର୍ୟ୍ୟନ୍ତ, ସମଗ୍ର ଦେଶ ଏହି ଆକ୍ରମଣରେ ପ୍ରଭାବିତ ହୋଇଛି। ଏହା ଜମ୍ମୁ ଏବଂ କାଶ୍ମୀରରେ ପ୍ରଥମ ଆକ୍ରମଣ ନୁହେଁ, କିନ୍ତୁ ଗୋଟିଏ ସମୟ ଥିଲା ଯେତେବେଳେ ଏହି ଆକ୍ରମଣ ବନ୍ଦ ହୋଇଯାଇଥିଲା। ଏହା ପରେ, ପହଲଗାମର ଏହି ଆକ୍ରମଣ ୨୧ ବର୍ଷ ପରେ ଏତେ ବଡ଼ ଆକ୍ରମଣରେ ପରିଣତ ହୋଇଛି।
ମୁଖ୍ୟମନ୍ତ୍ରୀ କହିଛନ୍ତି ଏଠାକାର ପର୍ୟ୍ୟଟନ ମନ୍ତ୍ରୀ ଦାୟିତ୍ୱ ଭାବରେ ଆମେ ଏହି ଲୋକମାନଙ୍କୁ ଜମ୍ମୁ କାଶ୍ମୀର ଆସିବାକୁ ନିମନ୍ତ୍ରଣ କରିଥିଲୁ । କିନ୍ତୁ ସେମାନଙ୍କୁ ଫେରାଇ ପାରିଲୁ ନାହିଁ। ମୁଁ ଏହି ଲୋକମାନଙ୍କୁ କ୍ଷମା ମଧ୍ୟ ମାଗିପାରିଲି ନାହିଁ। ଏମାନଙ୍କୁ ମୁଁ କ’ଣ କହିବି ଯେଉଁମାନେ ନିଜ ବାପାଙ୍କୁ ରକ୍ତରେ ଜୁଡୁବୁଡୁ ଦେଖିଛନ୍ତି ଏବଂ ସେହି ନୌସେନା ଅଧିକାରୀଙ୍କ ବିଧବା ପତ୍ନୀଙ୍କୁ, ଯିଏକି କିଛି ଦିନ ପୂର୍ବରୁ ବିବାହ କରିଥିଲେ।
ମୁଖ୍ୟମନ୍ତ୍ରୀ କହିଛନ୍ତି ୨୬ ବର୍ଷ ମଧ୍ୟରେ ପ୍ରଥମ ଥର ପାଇଁ ଜମ୍ମୁ ଏବଂ କାଶ୍ମୀରରେ ଲୋକମାନେ ଆତଙ୍କବାଦ ବିରୁଦ୍ଧରେ ସ୍ୱର ଉତ୍ତୋଳନ କରୁଥିବା ମୁଁ ଦେଖୁଛି । ହୁଏତ ଏପରି କିଛି ଗାଁ ଅଛି ଯେଉଁଠାରେ ଏହି ଆତଙ୍କବାଦୀ ଆକ୍ରମଣ ହୋଇନାହିଁ। ଏହି ସମୟରେ ସେ କହିଥିଲେ, ଆମେ ବନ୍ଧୁକ ମାଧ୍ୟମରେ ଆତଙ୍କବାଦକୁ ନିୟନ୍ତ୍ରଣ କରିପାରିବା, କିନ୍ତୁ ଏହାକୁ ସମାପ୍ତ କରିପାରିବୁ ନାହିଁ। ଏହା କେବଳ ସେତେବେଳେ ଶେଷ ହେବ ଯେତେବେଳେ ଲୋକମାନେ ଆମ ସହିତ ରହିବେ ସେତେବେଳେ ହିଁ ଆତଙ୍କବାଦ ଶେଷ ହେବ।
ଜମ୍ମୁ-କାଶ୍ମୀରର ବାସିନ୍ଦା ଆଦିଲଙ୍କ ବିଷୟରେ ଉଲ୍ଲେଖ କରି ମୁଖ୍ୟମନ୍ତ୍ରୀ କହିଛନ୍ତି, ଆଦିଲ ନିଜ ଜୀବନର ଚିନ୍ତା ନକରି ପର୍ୟ୍ୟଟକଙ୍କ ଜୀବନ ବଞ୍ଚାଇବା ପାଇଁ ନିଜ ଜୀବନକୁ ବଳିଦାନ ଦେଇଥିଲେ। ଆମେ ଏହି ଆତଙ୍କବାଦୀ ଆକ୍ରମଣର ଦୃଢ଼ ନିନ୍ଦା କରୁଛୁ ଏବଂ ସେମାନଙ୍କ ପ୍ରିୟଜନଙ୍କୁ ହରାଇଥିବା ପରିବାର ସହିତ ଛିଡ଼ା ହେଉଛୁ।