କେନ୍ଦ୍ର ସରକାର ୨୦୨୯ର Lok Sabha Elections 2029 ପୂର୍ବରୁ ମହିଳା ସଂରକ୍ଷଣ କାର୍ଯ୍ୟକାରୀ କରିବାକୁ ବୃହତ୍ ପ୍ରସ୍ତୁତି କରୁଛନ୍ତି। ସୂତ୍ର ଅନୁଯାୟୀ, ବର୍ତ୍ତମାନର ୫୪୩ ଲୋକସଭା ଆସନକୁ ବଢ଼ାଇ ୮୧୬ କରିବା ପାଇଁ ଯୋଜନା ଚାଲିଛି। ଏହାକୁ Delimitation Commission of India ମାଧ୍ୟମରେ ଜନସଂଖ୍ୟା ଅନୁପାତ ଅନୁସାରେ କାର୍ଯ୍ୟକାରୀ କରାଯିବ। ଏହି ପ୍ରସ୍ତାବ ଅନୁଯାୟୀ, ସମୁଦାୟ ଆସନର ଏକ ତୃତୀୟାଂଶ ମହିଳାଙ୍କ ପାଇଁ ସଂରକ୍ଷିତ ରହିବ। ଏଥିପାଇଁ ସରକାର Nari Shakti Vandan Actରେ ସଂଶୋଧନ କରିବାକୁ ଚାଲୁଥିବା ସଂସଦ ଅଧିବେଶନରେ ବିଲ୍ ଆଣିପାରନ୍ତି। ଏହା ସହ ଭିନ୍ନ ରାଜନୈତିକ ଦଳ, ବିଶେଷ କରି ଏନଡିଏ ଓ ବିରୋଧୀ ଶିବିର ସହ ସମ୍ମତି ସୃଷ୍ଟି ପାଇଁ ମଧ୍ୟ ଚେଷ୍ଟା ଚାଲିଛି।
ପ୍ରସ୍ତାବ ଅନୁଯାୟୀ, ଉତ୍ତର ପ୍ରଦେଶ, ମହାରାଷ୍ଟ୍ର, ପଶ୍ଚିମବଙ୍ଗ ଓ ବିହାର ଭଳି ବଡ଼ ରାଜ୍ୟଗୁଡ଼ିକରେ ଆସନ ସଂଖ୍ୟାରେ ଭାରି ବୃଦ୍ଧି ହେବ। ଓଡ଼ିଶାରେ ମଧ୍ୟ ବର୍ତ୍ତମାନର ୨୧ ଆସନ ୩୨କୁ ବୃଦ୍ଧି ପାଇପାରେ। ଏହାସହ ଝାଡ଼ଖଣ୍ଡ, ଆସାମ, ପଞ୍ଜାବ, ଛତିଶଗଡ଼ ଓ ହରିୟାଣା ଭଳି ମଧ୍ୟମ ରାଜ୍ୟଗୁଡ଼ିକ ମଧ୍ୟ ଲାଭାନ୍ୱିତ ହେବେ। ଅନୁସୂଚିତ ଜାତି (SC) ପାଇଁ ଆସନ ୮୪ରୁ ୧୨୬ ଓ ଅନୁସୂଚିତ ଜନଜାତି (ST) ପାଇଁ ୪୭ରୁ ୭୦କୁ ବଢ଼ିବା ପ୍ରସ୍ତାବ ରହିଛି। ଛୋଟ ରାଜ୍ୟ ଓ ଉତ୍ତର-ପୂର୍ବ ଅଞ୍ଚଳରେ ମଧ୍ୟ ଆସନ ସଂଖ୍ୟାରେ ସାମାନ୍ୟ କିନ୍ତୁ ଗୁରୁତ୍ୱପୂର୍ଣ୍ଣ ବୃଦ୍ଧି ହେବ।
ଦକ୍ଷିଣ ଭାରତର ରାଜ୍ୟଗୁଡ଼ିକ—ତାମିଲନାଡୁ, କର୍ଣ୍ଣାଟକ, ଆନ୍ଧ୍ରପ୍ରଦେଶ, କେରଳ ଓ ତେଲେଙ୍ଗାନାରେ ମଧ୍ୟ ଆସନ ବଢ଼ିବା ସମ୍ଭାବନା ରହିଛି। କିନ୍ତୁ ଏହା ନେଇ କିଛି ଦକ୍ଷିଣ ରାଜ୍ୟ ଜନସଂଖ୍ୟା ନିୟନ୍ତ୍ରଣ ନୀତିକୁ ନେଇ ଚିନ୍ତା ବ୍ୟକ୍ତ କରିଛନ୍ତି। ସମଗ୍ର ପ୍ରସ୍ତାବଟି ସାମ୍ବିଧାନିକ ସଂଶୋଧନ ଉପରେ ନିର୍ଭର କରିବ ଓ ଏହା ପାଇଁ ବିରୋଧୀ ଦଳମାନଙ୍କ ସମ୍ମତି ଆବଶ୍ୟକ। ସରକାର ୨୦୨୯ ନିର୍ବାଚନ ପୂର୍ବରୁ ଏହାକୁ ଲାଗୁ କରିବାକୁ ଲକ୍ଷ୍ୟ ରଖିଛନ୍ତି।