ଜଣେ ବ୍ରାଉନ ସୁଗାର ବେପାରୀକୁ କାବୁ କଲେ ସ୍ଥାନୀୟ ଲୋକେ,ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ

(ବାଲେଶ୍ଵର) : ଜଣେ ବ୍ରାଉନ ସୁଗାର ବେପାରୀକୁ କାବୁ କଲେ ସ୍ଥାନୀୟ ଲୋକେ। ବାଲେଶ୍ୱର ଜିଲ୍ଲା ବସ୍ତା ଥାନା ଅଞ୍ଚଳରେ ଦୀର୍ଘ ଦିନ ଧରି ବ୍ରାଉନସୁଗାର ବେପାର କରି ଆସୁଥିବା ଜଣେ ବ୍ରାଉନ ସୁଗାର ବେପାରୀଙ୍କୁ ଲୋକେ କାବୁ କରିଛନ୍ତି । ଖବର ପାଇ ପୋଲିସ ପହଞ୍ଚି ଲୋକଙ୍କ କବଳରୁ ବ୍ରାଉନ ସୁଗାର ବେପାରୀଙ୍କୁ ଉଦ୍ଧାର କରି ଥାନାକୁ ଆଣିଛି । ତା ନିକଟରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ପୋଲିସ ଜବତ କରିଛି ।

ସୂଚନାନୁଯାୟୀ , ବାଲେଶ୍ୱର ଜିଲା ବସ୍ତା ଥାନା ଅଞ୍ଚଳରେ ବଇତପଡା ଗାଁରେ ବ୍ରାଉନ ସୁଗାର ବେପାର କରୁଥିବା ଜଣେ ବେପାରୀଙ୍କୁ ଲୋକମାନେ ଆଜି ଅଟକ ରଖିଥିଲେ । ଖବର ପାଇଁ ଅମର୍ଦ୍ଦା ଫାଣ୍ଡି ଅଧିକାରୀ ପହଞ୍ଚି ବ୍ରାଉନ ସୁଗାର ବେପାରୀକୁ ଗିରଫ କରି ଥାନାକୁ ଆଣିଥିଲେ । ତାଙ୍କ ନିକଟରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ ହୋଇଛି ।୧୮୦ ଗ୍ରାମ ବ୍ରାଉନ ସୁଗାର ସହ ଏକ କେଟିଏମ ବାଇକ ଜବତ କରିଛି ପୋଲିସ ।