ଜୀବନ ହାରିଲେ ବ୍ଲଗରଙ୍କ ସାନଭାଇ । ବାଇକ ରାଇଡିଂକୁ କରୁଥିବା ସନ୍ଦୀପ କୁମାର ଦାସ ସାନଙ୍କ ଭାଇ ସନ୍ଦେଶ ଦାସଙ୍କ ମୃତ୍ୟୁ ହୋଇଛି । ରାଜଧୀନୀର ପୁନାମା ଗେଟ ପାଖ ରେଲୱେ କ୍ରସିଂ ଉପରୁ ମିଳିଛି ସନ୍ଦେଶଙ୍କ ମୃତଦେହ । ଖବର ପାଇ GRP ଘଟଣାସ୍ଥଳରେ ପହଞ୍ଚିଛି। ଏପଟେ ପୋଲିସ ମଧ୍ୟ ଆତ୍ମହତ୍ୟା ନେଇ ସନ୍ଦେହ କରୁଥିବା ବେଳେ, ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଲାଇଛି । ପାରିବାରିକ ଝଗଡା ନା ଆର୍ଥିକ ସମସ୍ୟା କିମ୍ବା ପ୍ରେମ ରେ ଧୋକା ? ଏସବୁକୁ ନେଇ ଚାଲିଛି ଖୋଳତାଡ଼ । ସନ୍ଦେଶ କରିଥିବା ଶେଷ କଲକୁ ମଧ୍ୟ ଯାଞ୍ଚ କରୁଛି ପୋଲିସ । କିନ୍ତୁ ସନ୍ଦୀପଙ୍କ ବାଇକକୁ ବ୍ୟବହାର କରୁଥିବାରୁ ପ୍ରଥମେ ସନ୍ଦୀପଙ୍କ ମୃତ୍ୟୁ ହୋଇଥିବା ସନ୍ଦେହ କରୁଥିଲା ପୋଲିସ । କିନ୍ତୁ ସେ ସନ୍ଦୀପ ନୁହଁନ୍ତି, ବରଂ ସନ୍ଦୀପଙ୍କ ସାନ ଭାଇ ସନ୍ଦେଶ ବୋଲି ସ୍ପଷ୍ଟ କରିଛି ପୋଲିସ ।
