ଆସିକା /କମଳିନୀ ହୋତା : ଆସିକା ଥାନା ଅନ୍ତର୍ଗତ ନଳବଣ୍ଟା ଗ୍ରାମରେ ବାଣ ତିଆରି ହେଉଥିବା ଖବର ପାଇ ଆସିକା ପୋଲିସ ର ଏକ ସ୍ୱତନ୍ତ୍ର ଟିମ ନଳବଣ୍ଟା ର ବିଭିନ୍ନ ସାହିରେ ଚଢ଼ାଉ କରିଥିଲା. ଚଢ଼ାଉ ବେଳେ ବିଭିନ୍ନ ସାହିରୁ ୪୫ ଲକ୍ଷ ଟଙ୍କାର ବାଣ,ଗୋଟିଏ ବିଶିଷ୍ଟ ପିକଅପ ଭ୍ୟାନଓ ବିଭିନ୍ନ ବାଣ ତିଆରି ସାମଗ୍ରୀ ଜବତ କରିବା ସହ କଟକ ତିଗିରିଆ ଅଞ୍ଚଳର ହୃଦାନନ୍ଦ ନାୟକ କୁ ଗିରଫ କରିଥିବା ବେଳେ ଅନ୍ୟ ୧୦ଜଣ ଫେରାର ହୋଇଯାଇଛନ୍ତି ।
ଏହି ଚଢ଼ାଉରେ ଆସିକା ତହସିଲଦାର ସଞ୍ଜୟ ସାମନ୍ତରା,ଆସିକା ଉପଖଣ୍ଡ ପୋଲିସ ଅଧିକାରୀ ଉମାଶଙ୍କର ସିଂ, ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ, ସବ ଇନ୍ସପେକ୍ଟର ଶ୍ରଦ୍ଧାଞ୍ଜଳି ସେନାପତି, ବିଶ୍ୱଜିତ ନାୟକ,କାଳୁଚରଣ ସ୍ୱାଇଁ,ପାର୍ଥ ପ୍ରତିମ ଦେବତାଙ୍କ ସହ ବହୁ ପୋଲିସ କର୍ମୀ ସାମିଲ ଥିଲେ ।