ଭୁବନେଶ୍ୱର-: ସମ୍ବଲପୁରର ଚାରମାଲ ଏବଂ ନାକଟିଦେଉଳ ଅଞ୍ଚଳରେ ଡ୍ରୋନ୍ ବ୍ୟବହାର କରି ଏକ ବିଶାଳ ମାଓ ବିରୋଧୀ ଅଭିଯାନ ଚାଲିଛି। ଛତିଶଗଡ଼ର ଏହି ବିଦ୍ରୋହୀମାନେ ସ୍ଥାନୀୟ ଜଙ୍ଗଲରେ ଆଶ୍ରୟ ନେଇଥିବା ସମ୍ପର୍କରେ ରିପୋର୍ଟ ପାଇ ସ୍ୱତନ୍ତ୍ର ଅପରେସନ୍ ଗ୍ରୁପ୍ ଏବଂ ଜିଲ୍ଲା ସ୍ୱେଚ୍ଛାସେବୀ ବାହିନୀ କମ୍ବିଂ ଅପରେସନ୍ କରୁଛନ୍ତି।
ମାଓବାଦୀ ସଂଗଠନର ଶୀର୍ଷ ନେତୃତ୍ବ ଧରାଶାୟୀ ହେବା ପରେ ମାଓବାଦୀଙ୍କ ମନୋବଳ ସମ୍ପୂର୍ଣ୍ଣ ରୂପେ ଭାଙ୍ଗି ପଡ଼ିଛି। ଏବେ ମାଓବାଦୀମାନେ ଜୀବନ ବଞ୍ଚାଇବା ପାଇଁ ସୁରକ୍ଷିତ ସ୍ଥାନ ଖୋଜୁଛନ୍ତି। ଏମିତି କି ଉପାନ୍ତରେ ଥିବା ଗାଁଗୁଡ଼ିକରେ ଲୁଚି ରହି ଲୋକଙ୍କଠାରୁ ମାଗି ଯାଚି ଖାଉଥିବା ସୂଚନା ମିଳିଛି। ଏଭଳି କିଛି ଗୁଇନ୍ଦା ରିପୋର୍ଟ ଆଧାରରେ ଆଜି ସିଆରପିଏଫ ପକ୍ଷରୁ ସମ୍ବଲପୁର-ସୋନପୁର ସୀମା ଚାରଗଡ଼ ସଂରକ୍ଷିତ ଜଙ୍ଗଲ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଥିବା ସୂଚନା ମିଳିଛି।