ବିଷମ କଟକ/ରବିନ୍ଦ୍ର କୁମାର ସାହୁ: ରାୟଗଡ଼ା ଜିଲ୍ଲା ବିଷମ କଟକ ପଞ୍ଚାୟତ ସମିତି କାର୍ଯ୍ୟାଳୟ ସମ୍ମିଳନୀ କକ୍ଷରେ ଆଜି ମତ୍ସ୍ୟ ଓ ପଶୁ ସମ୍ପଦ ବିକାଶ ବିଭାଗ ତରଫରୁ ଜୀବ ନିଷ୍ଠୁରତା ଆଇନ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି । କର୍ମଶାଳାରେ ଜିଲ୍ଲା ପଶୁ ସମ୍ପଦ ଅଧିକାରୀ ଡ.ହାଡିବନ୍ଧୁ ଭୋଇ ଅଧ୍ୟକ୍ଷତା କରିଥିବା ବେଳେ ଗୋଷ୍ଠୀ ଉନ୍ନୟନ ଅଧିକାରୀ ସଦାଶିବ ନାୟକ, ଉପାଧ୍ୟକ୍ଷ ଦେବୀ ପ୍ରସାଦ ପଟ୍ଟନାୟକ, ଅତିରିକ୍ତ ଜିଲ୍ଲା ପଶୁ ସମ୍ପଦ ଅଧିକାରୀ ବିପ୍ର ଚରଣ ବେହେରା ଅତିଥ୍ ଭାବେ ଯୋଗ ଦେଇଥିଲେ । ସଚେତନତା କାର୍ଯ୍ୟକ୍ରମ ପ୍ରାରମ୍ଭରେ ମଞ୍ଚାସୀନ ଅତିଥ୍ ମାନେ ପ୍ରଦୀପ ପ୍ରଜ୍ବଳନ କରି କାର୍ଯକ୍ରମର ଉଦଘାଟନ କରିଥିଲେ। କର୍ମଶାଳାରେ ବ୍ଲକ୍ର ସମସ୍ତ ଗ୍ରାମ ପଞ୍ଚାୟତ ସରପଞ୍ଚ, ସମସ୍ତ ବିଭାଗର ପ୍ରତିନିଧୃବୃନ୍ଦ ଏବଂ ବେସରକାରୀ ସ୍ଵେଚ୍ଛାସେବୀ ଅନୁଷ୍ଠାନର କର୍ମକର୍ତା ମାନେ ଯୋଗ ଦେଇଥିଲେ। କର୍ମଶାଳରେ ସମାଜରେ ବସବାସ କରୁଥିବା ଜୀବଜନ୍ତୁ ମାନଙ୍କ ଉପରେ ହେଉଥିବା ଅତ୍ୟାଚାର ଏବଂ ବ୍ୟବହାରକୁ ରୋକିବା ପାଇଁ ସମ୍ବିଧାନରେ ରହିଥିବା ଆଇନ ସମ୍ବନ୍ଧରେ ଉପସ୍ଥିତ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ମଣିଷ ସମାଜର ପାରିପାର୍ଶ୍ବରେ ରହୁଥିବା ଜୀବଜନ୍ତୁ ମାନଙ୍କ ଉପରେ ଅତ୍ୟାଚାର ନ କରିବା, ସେମାନଙ୍କ ସୁରକ୍ଷା ଦିଗରେ ଯତ୍ନବାନ ହେବା ନେଇ ଜିଲ୍ଲା ପଶୁ ସମ୍ପଦ ଅଧିକାରୀ ବିସ୍ତୃତ ସୂଚନା ପ୍ରଦାନ କରିଥିଲେ । ଏହି କାର୍ଯ୍ୟକ୍ରମକୁ ବିଷମ କଟକ ବ୍ଲକ ପଶୁ ସମ୍ପଦ ଅଧିକାରୀ ଚମ୍ପେଶ୍ଵର ଭରତୀୟା ପରିଚାଳନା କରିଥିବା ବେଳେ ବିଭାଗର ସମସ୍ତ କର୍ମଚାରୀ କର୍ମଶାଳାରେ ଉପସ୍ଥିତ ରହି ସହଯୋଗ କରିଥିଲେ।
