ଭୁବନେଶ୍ଵର: ଭୁବନେଶ୍ଵର ପ୍ରଦର୍ଶନୀ ପଡ଼ିଆରେ ଆୟୋଜିତ ସଭାରେ ଭାରତର ଗୃହମନ୍ତ୍ରୀ ଅମିତ୍ ଶାହା ଲୋକଙ୍କୁ ସମ୍ବୋଧନ କରିଥିଲେ। ସେ କହିଥିଲେ ଯେ ଆଜିର ଦିନ ଓଡ଼ିଶାର ବିକାଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଗୋଟିଏ ଦିନରେ ରାଜ୍ୟରେ ୩୨୦୦ କୋଟିରୁ ଅଧିକ ମୂଲ୍ୟର ବିଭିନ୍ନ ପ୍ରକଳ୍ପ ଲୋକାର୍ପଣ କରାଯାଇଥିବା ସେ କହିଛନ୍ତି। ସେ କହିଥିଲେ ଯେ ପୂର୍ବରୁ ଦେଶ ଇଂରେଜମାନଙ୍କ ଦ୍ୱାରା ପ୍ରସ୍ତୁତ ଆଇନ୍ ଅନୁସାରେ ଚାଲୁଥିଲା, କିନ୍ତୁ ବର୍ତ୍ତମାନ ଆମ ସମ୍ବିଧାନ ଅନୁସାରେ ନୂତନ ନ୍ୟାୟ ସଂହିତା ଆଧାରରେ ଦେଶ ପରିଚାଳିତ ହେଉଛି। ଏହି ନ୍ୟାୟ ସଂହିତା ମାଧ୍ୟମରେ ତିନି ବର୍ଷ ମଧ୍ୟରେ ଲୋକମାନେ ନ୍ୟାୟ ପାଇପାରିବେ ଏବଂ “ତାରିଖ ପରେ ତାରିଖ” ଶୁଣିବାକୁ ଆଉ ମିଳିବ ନାହିଁ ବୋଲି ସେ କହିଛନ୍ତି।
BNS ଲାଗୁ ହେବା ପରେ ଶହେ ଜଣଙ୍କ ମଧ୍ୟରୁ ପ୍ରାୟ ୮୭ ଜଣଙ୍କୁ ଦଣ୍ଡ ମିଳୁଥିବା ସେ କହିଥିଲେ। ପୂର୍ବରୁ ପ୍ରମାଣ ଅଭାବରୁ ଅନେକ ଅପରାଧୀ ଚୁଟିଯାଉଥିଲେ ବୋଲି ସେ ଉଲ୍ଲେଖ କରିଛନ୍ତି। ଗୃହମନ୍ତ୍ରୀ କହିଥିଲେ ଯେ ବିଜେପି ସରକାର ଯାହା କୁହେ ତାହା କାମରେ ପ୍ରମାଣ କରେ। ରାଜ୍ୟରେ ୩୧୦୦ ଟଙ୍କାରେ ଧାନ କ୍ରୟ କରାଯାଇଛି ଓ ୧ କୋଟି ମହିଳାଙ୍କୁ “ସୁଭଦ୍ରା” ଯୋଜନା ମାଧ୍ୟମରେ ଆର୍ଥିକ ସହାୟତା ଦିଆଯାଇଛି ବୋଲି ସେ କହିଛନ୍ତି। ସେ କଂଗ୍ରେସ ଦଳକୁ ମଧ୍ୟ ଆଲୋଚନା କରି କହିଥିଲେ ଯେ କଂଗ୍ରେସ ଦେଶର ରାଜନୀତିକୁ ନକାରାତ୍ମକ ଦିଗକୁ ନେଉଛି। ଦିଲ୍ଲୀର ଏଆଇ ସମ୍ମିଳନୀ ସମୟରେ କଂଗ୍ରେସ ନେତାମାନଙ୍କ ଆନ୍ଦୋଳନ ଦ୍ୱାରା ଦେଶର ଛବି ବିଶ୍ୱସ୍ତରରେ ଖରାପ ହୋଇଥିବା ସେ ଅଭିଯୋଗ କରିଛନ୍ତି।
ଅମିତ ଶାହ କହିଥିଲେ ଯେ ପୂର୍ବ ସରକାର ଜନାଦେଶକୁ ବାଧ୍ୟବାଧକତା ଭାବରେ ନେଇଥିଲେ ଏବଂ ଦୀର୍ଘ ୨୦ ବର୍ଷ ଶାସନ କରି ରାଜ୍ୟର ବିକାଶକୁ ଠପ୍ କରିଦେଇଥିଲେ। କିନ୍ତୁ ବର୍ତ୍ତମାନ ସରକାର ନୂତନ ବିକାଶର ଦିଗ ଦେଖାଇଛି ଓ ନାଗରିକଙ୍କୁ ଅଧିକ ଅଧିକାର ଦେଇଛି ବୋଲି ସେ କହିଛନ୍ତି। ସେ ଆହୁରି କହିଥିଲେ ଯେ ବର୍ତ୍ତମାନ ଭାରତ ବିଶ୍ୱର ଦ୍ରୁତ ଗତିରେ ବଢୁଥିବା ଅର୍ଥନୀତି ମଧ୍ୟରୁ ଗୋଟିଏ ହୋଇଛି ଏବଂ ଆସନ୍ତା ମାର୍ଚ୍ଚ ୩୧ ତାରିଖ ସୁଦ୍ଧା ଦେଶକୁ ନକ୍ସଲବାଦ ଓ ଲାଲ୍ ହିଂସାରୁ ମୁକ୍ତ କରାଯିବ ବୋଲି ସେ ଦାବି କରିଛନ୍ତି।