ଭୁବନେଶ୍ୱର : କାର୍ଯ୍ୟରତ ପୋଲିସ କର୍ମଚାରୀଙ୍କୁ ଗାଳିଗୁଲଜ କରିବା ପଡିଲା ମହଙ୍ଗା | ଗିରଫ ହେଲେ ଅଭିନେତା ବିରଞ୍ଚି | ଭରତପୁରଥାନା ପୁଲିସ ତଦନ୍ତ କରିବା ସହ ମାମଲାରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛନ୍ତି ।
ସୂଚନାଯୋଗ୍ୟ ଯେ, ଆଜି ତା ୨୫.୧୨.୨୦୨୩ରେ ଭରତପୁର ଥାନାର ପାଟ୍ରୋଲିଂ ଟୀମ ଥାନାଧିକାରୀଙ୍କ ନିର୍ଦ୍ଧେଶ କ୍ରମେ କଳିଙ୍ଗ ଷ୍ଟୂଡିଓ ନିକଟରେ ରାତ୍ରିକାଳୀନ ଅବରୋଧ ଓ ଗାଡି ଯାଞ୍ଚ କରୁଥିଲେ । ସମୟ ପ୍ରାୟ ରାତି ୧.୧୫ ରେ ନିମ୍ନୋକ୍ତ ଅଭିଯୁକ୍ତ ଗୋଟିଏ କାର ଚଳାଇ ରେଣ୍ଟାଲ୍ ଛକ ପାର୍ଶ୍ଵରୁ କଳିଙ୍ଗ ଷ୍ଟୂଡିଓ ଛକ ପାର୍ଶ୍ଵକୁ ଆସିଥିଲେ । ସେହି ସମୟରେ ଡ୍ୟୁଟିରେ ମୃତୟନ ଥିବା ପୁଲିସ କର୍ମଚାରୀ ମାନେ ତାଙ୍କୁ ଯାଞ୍ଚ ପାଇଁ କାର ଟିକୁ ଅଟକାଇଥିଲେ। ପୁଲିସ କର୍ମଚାରୀଙ୍କ ବାରମ୍ବାର କହିବା ପରେ ଅଭିନେତା ବିରଂଚି କାରରୁ ବାହାରକୁ ବାହାରିଥିଲେ ଏବଂ ପୁଲିସ କର୍ମଚାରୀଙ୍କୁ ଅଶ୍ରାବ୍ୟ ଭାଷାରେ ଗାଳି ଗୁଲଜ କରିବା ସହ ଆକ୍ରମଣ ମଧ୍ୟ କରିଥିଲେ । ଏହି ଘଟଣାରେ ଘଟଣା ସ୍ଥଳରେ ଟ୍ରାଫିକ୍ ସମସ୍ଯା ଦେଖା ଦେଇଥିଲା । ପୁଲିସ କର୍ମଚାରୀ ମାନେ ଅଭିଯୁକ୍ତଙ୍କୁ କାବୁ କରିଥିଲ ଏବଂ ତଦନ୍ତ ପାଇଁ ଥାନାକୁ ଆଣିଥିଲେ। ପଚାର ଉଚରା ବେଳେ ସେ ନିଜର ଅପରାଧ ସ୍ଵୀକାର କରିଥିଲେ।
ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।
