ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଵିଶାଲପାଲି ଛକ ଠାରେ ପେଟ୍ରୋଲ ପମ୍ପ ଉଦଘାଟନ ଅବସରରେ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ

ସୁବର୍ଣ୍ଣପୁର; ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଵିଶାଲପାଲି ଛକ ଠାରେ ପେଟ୍ରୋଲ ପମ୍ପ ଉଦଘାଟନ ଅବସରରେ ଏକ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।  ହରିଓମ ହୋତା ଇଣ୍ଡିଆନ ଓଏଲ ପେଟ୍ରୋଲ ପମ୍ପ ଏବଂ ସ୍ବେଚ୍ଛାସେବୀ ଅନୁଷ୍ଠାନ ଭରସା ପରିବାରର ମିଳିତ ଆନୁକୂଲ୍ୟରେ ଅନୁଷ୍ଠିତ ରକ୍ତଦାନ ଶିବିର ରେ ୭୧ ଜଣ ରକ୍ତଦାତା ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ । ବରଗଡ଼ ବ୍ଲଡ଼ ବ୍ୟାଙ୍କ ରୁ ଡାକ୍ତର ଏବଂ କର୍ମଚାରୀ ଆସି ରକ୍ତ ସଂଗ୍ରହ କରିଥିଲେ ।

ରକ୍ତଦାନ ଶିବିର କୁ ମୁଖ୍ୟ ଅତିଥି ଭାବରେ ଇଣ୍ଡିଆନ ଓଏଲର କମ୍ପାନୀର ସମ୍ବଲପୁର ଡିଭିଜନାଲ ରିଟେଲ ସେଲସ ମୁଖ୍ୟ ଭିଶାଲ ଗର୍ଜ ଯୋଗଦେଇ ଫିତାକାଟି ଉଦଘାଟନ କରିଥିଲେ। ପେଟ୍ରୋଲପମ୍ପ କୁ ପମ୍ପ ର ମାଲିକଙ୍କ ମାତା ତଥା ସ୍ଵର୍ଗତ ନାରାୟଣ ହୋତାଙ୍କ ପତ୍ନୀ ବିଜୁଳି ହୋତା ଫିତା କାଟି ଶୁଭ ଉଦଘାଟନ କରିଥିଲେ ।

ପେଟ୍ରୋଲ ପମ୍ପ ଉଦଘାଟନ ଭଳି କାର୍ଯ୍ୟକ୍ରମରେ ରକ୍ତଦାନ ଶିବିର ଆୟୋଜନ କରି ଲୋକଙ୍କୁ ସେବା ଯୋଗାଇ ଦେବା ଭଳି କାର୍ଯ୍ୟକରୁଥିବାରୁ ପମ୍ପ ମାଲିକ ପ୍ରଦୀପ ହୋତାଙ୍କୁ ଅଞ୍ଚଳରେ ପ୍ରଶଂସା କରାଯାଉଛି ।  ଏହି ରକ୍ତଦାନ ଶିବିର ରେ ଅଞ୍ଚଳ ର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସହଯୋଗ କରିଥିଲେ ।