ନୂଆଦିଲ୍ଲୀ-: ଚୀନର ପୂର୍ବ ଶାନଦୋଙ୍ଗ୍ ଅଞ୍ଚଳରେ ଥିବା ଏକ ରାସାୟନିକ କାରଖାନାରେ ଏକ ବଡ଼ ଧରଣର ବିସ୍ଫୋରଣ ଘଟିଛି । କାରଖାନାରେ କୀଟନାଶକ ଏବଂ ଚିକିତ୍ସା ବ୍ୟବହାର ପାଇଁ ବ୍ୟବହାର କରାଯାଉଥିବା ରାସାୟନିକ ପଦାର୍ଥ ଉତ୍ପାଦନ କରାଯାଉଥିବା ବେଳେ ଘଟଣାରେ ଏପର୍ଯ୍ୟନ୍ତ କୌଣସି ମୃତାହତର ଖବର ମିଳିନାହିଁ । ଦୁର୍ଘଟଣା ସମ୍ପର୍କରେ ଖବର ପାଇବା ମାତ୍ରେ ଚୀନର ଜରୁରୀକାଳୀନ ପରିଚାଳନା ମନ୍ତ୍ରଣାଳୟ ଘଟଣାସ୍ଥଳକୁ ଏକ ସ୍ୱତନ୍ତ୍ର ଦଳ ପଠାଇଥିଲା, ଯେଉଁଥିରେ ଅଗ୍ନିଶମ କର୍ମଚାରୀ, ଚିକିତ୍ସା ବିଶେଷଜ୍ଞ ଏବଂ କର୍ମକ୍ଷେତ୍ର ସୁରକ୍ଷା ବିଶେଷଜ୍ଞ ସାମିଲ ଥିଲେ । ବିସ୍ଫୋରଣର କାରଣ ଏପର୍ଯ୍ୟନ୍ତ ଜଣାପଡ଼ି ନଥିବା ବେଳେ ଉଦ୍ଧାର କାର୍ଯ୍ୟରେ ୨୩୨ ଜଣ ଅଗ୍ନିଶମ କର୍ମଚାରୀଙ୍କୁ ମୁତୟନ କରାଯାଇଛି ।
