ଭୁବନେଶ୍ୱରରେ ପହଞ୍ଚିଛି ୫ କେଜିକିଆ ଗ୍ୟାସ ସିଲିଣ୍ଡର । ଏବେ ରାଜଧାନୀର ବିଭିନ୍ନ ପେଟ୍ରୋଲ ପମ୍ପରେ ମିଳିବ ୫ କେଜି ଗ୍ୟାସ । ଗତ ବୁଧବାର ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କରିଥିବା ଘୋଷଣା ମୁତାବକ ଯେ କୌଣସି ଲୋକ ନିଜର ପରିଚୟ ପତ୍ର ଦେଖାଇ ୧୫୭୩ ଟଙ୍କା ଦେଇ ଏହି ସିଲିଣ୍ଡର ନେଇପାରିବେ । ତେବେ ବର୍ତ୍ତମାନ ଇଣ୍ଡିଆନ ଅଏଲର ସମସ୍ତ ପେଟ୍ରୋଲ ପମ୍ପରେ ୫ କେଜି ଗ୍ୟାସ ଉପଲବ୍ଧ ଅଛି ।
ଏଣିକି ଛାତ୍ରଛାତ୍ରୀ ଏବଂ ଯେଉଁମାନେ ଶ୍ରମିକ ମାନେ ଏହି ୫ କେଜିକିଆ ସିଲିଣ୍ଡର ଉପରେ ନିର୍ଭରଶୀଳ ତାଙ୍କୁ ଆଉ ଅସୁବିଧା ହେବ ନାହିଁ । ବିନା ପ୍ରମାଣ ପତ୍ରରେ ଏହି ଗ୍ୟାସ ସିଲିଣ୍ଡର ମିଳିବ, ଆଉ ଏଥିପାଇଁ ପ୍ରି ବୁକିଂର ମଧ୍ୟ ଆବଶ୍ୟକତା ନାହିଁ । ଏହି ସିଲେଣ୍ଡର ପାଇଁ ଆଉ ଏକ ହେଉଛି, ସିଲିଣ୍ଡର ସିକ୍ୟୁରୀଟି ବାବଦରେ ୮୦୦ ଟଙ୍କା ପ୍ଲସ ଜିଏସ ଟି ରହିଛି । ଏଥିସହ ୫୯୩ ଟଙ୍କା ଦେଇ ଏହାକୁ ପୁନର୍ବାର ରିଫିଲ୍ କରିପାରିବେ । ତେବେ ସିଲିଣ୍ଡର ନ ମିଳିବା କାରଣରୁ ଛାତ୍ରଛାତ୍ରୀ ହଷ୍ଟେଲ ଛାଡ଼ୁଥିବା ବେଳେ ଶ୍ରମିକମାନେ ରାଜଧାନୀ ଛାଡ଼ି ଗାଁକୁ ଫେରି ଯାଇଥିଲେ । ଏବେ ଏହି ସିଲିଣ୍ଡର ମିଳିବା ଯୋଗୁଁ ସେମାନେ ଉପକୃତ ହୋଇପାରିବେ ।
