ଆଇପିଏଲ୍ ୨୦୨୬ ରେ ଉତ୍ସାହ ନୂତନ ଶୀର୍ଷରେ ପହଞ୍ଚିଛି । ପ୍ରଥମ ଦିନରେ ଆରସିବି ଚମତ୍କାର ପ୍ରଦର୍ଶନ କରିଥିବା ବେଳେ, ଦ୍ୱିତୀୟ ଦିନରେ ମୁମ୍ବାଇ ଇଣ୍ଡିଆନ୍ସ କରିଥିଲା । ଆଜି ତୃତୀୟ ଦିନରେ ରାଜସ୍ଥାନ ରୟାଲ୍ସ ଏବଂ ଚେନ୍ନାଇ ସୁପରକିଙ୍ଗସ୍ (ସିଏସକେ) ମୁହାଁମୁହିଁ ହେବେ । ଏହି ମ୍ୟାଚ୍ ମଧ୍ୟ ରୋମାଞ୍ଚକର ହେବ ବୋଲି ଆଶା କରାଯାଉଛି । ତେବେ ସିଏସକେ ପ୍ରଶଂସକମାନଙ୍କ ପାଇଁ ଖରାପ ଖବର ହେଉଛି ଯେ ଏମଏସ ଧୋନି ଆଜିର ଆକ୍ସନ ମ୍ୟାଚରେ ରହିବେ ନାହିଁ । ସେ ଆଘାତ ଯୋଗୁଁ କିଛି ମ୍ୟାଚ୍ ଖେଳିବେ ନାହିଁ । ରାଜସ୍ଥାନ ଓ ଚେନ୍ନାଇ ମଧ୍ୟରେ ହେବାକୁ ଥିବା ମ୍ୟାଚ୍ ଗୌହାଟିର ବରସାପାରା କ୍ରିକେଟ୍ ଷ୍ଟାଡିୟମରେ ଖେଳାଯିବ । ସନ୍ଧ୍ୟା ୭ରେ ଟସ୍ ହେବ, ଆଉ ମ୍ୟାଚ୍ ସନ୍ଧ୍ୟା ୭:୩୦ ରେ ଆରମ୍ଭ ହେବ । ରିୟାନ ପରାଗ ରାଜସ୍ଥାନ ଦଳର ଅଧିନାୟକ,ଥିବାବେଳେ ଋତୁରାଜ ଗାୟକୱାଡ ଚେନ୍ନାଇର ନେତୃତ୍ୱ ନେବେ ।
ଚେନ୍ନାଇ ସୁପର କିଙ୍ଗ୍ସର ସମ୍ଭାବ୍ୟ ଏକାଦଶ- ଆୟୂଷ ମାହତ୍ରେ, ସଞ୍ଜୁ ସାମସନ, ଋତୁରାଜ ଗାଏକୱାଡ୍ (ଅଧିନାୟକ), ଉର୍ଭିଲ ପଟେଲ, ଶିବମ ଦୁବେ, କାର୍ତ୍ତିକ ଶର୍ମା, ପ୍ରଶାନ୍ତ ବୀର, ନୂର ଅହମ୍ମଦ, ଖଲିଲ ଅହମ୍ମଦ, ମାଟ୍ ହେନରୀ, ଅଂଶୁଲ କାମ୍ବୋଜ, ଜାମି ଓଭରଟନ୍/ରାହୁଲ ଚହର ।
ରାଜସ୍ଥାନ ରୟାଲ୍ସର ସମ୍ଭାବ୍ୟ ଏକାଦଶ- ଯଶସ୍ୱୀ ଜୈସ୍ୱାଲ, ବୈଭବ ସୂର୍ଯ୍ୟବଂଶୀ, ଲୁଆନ- ଡ୍ରେ ପ୍ରିଟୋରିୟସ୍, ରିୟାନ ପରାଗ (ଅଧିନାୟକ), ସିମରନ ହେତମାୟର, ରବୀନ୍ଦ୍ର ଜାଡେଜା, ଧ୍ରୁବ ଜୁରେଲ, ଜୋଫ୍ରା ଆର୍ଚର, ସନ୍ଦୀପ ଶର୍ମା, ରବି ବିଷ୍ଣୋଇ, ନାନ୍ଦ୍ରେ ବର୍ଗର, ଶୁଭମ ଦୁବେ/ତୁଷାର ଦେଶପାଣ୍ଡେ ।
