ଟି-୨୦ ବିଶ୍ୱକପ୍ ୨୦୨୬ରେ ଭାରତ-ପାକିସ୍ତାନ ମହାମୁକାବିଲା: କେବେ, କେଉଁଠି ଏବଂ କିପରି ଦେଖିବେ ଲାଇଭ୍
ନୂଆଦିଲ୍ଲୀ: କ୍ରିକେଟ୍ ପ୍ରେମୀମାନେ ୧୫ ଫେବୃଆରୀ ୨୦୨୬କୁ ଅତ୍ୟନ୍ତ ଉତ୍ସାହର ସହିତ ଅପେକ୍ଷା କରୁଛନ୍ତି। କାରଣ ଏହି ଦିନ ICC Men’s T20 World Cup ଅନ୍ତର୍ଗତ ଭାରତ ଓ ପାକିସ୍ତାନ ମଧ୍ୟରେ ମହାମୁକାବିଲା ଖେଳାଯିବ। ଯେତେବେଳେ ଏହି ଦୁଇ ଦଳ ମାଇଦାନରେ ମୁହାଁମୁହିଁ ହୁଅନ୍ତି, ପ୍ରଶଂସକମାନଙ୍କ ଉତ୍ସାହ ଚରମସୀମାକୁ ପହଞ୍ଚିଯାଏ। ଭାରତ ଓ ପାକିସ୍ତାନ ମଧ୍ୟରେ ଏହି ହାଇ-ଭୋଲଟେଜ୍ ମ୍ୟାଚ୍ ସନ୍ଧ୍ୟା ୭:୦୦ଟାରେ ଆରମ୍ଭ ହେବ। ଟସ୍ ସନ୍ଧ୍ୟା ୬:୩୦ଟାରେ ହେବ। ଭାରତୀୟ ଦଳକୁ ଅଧିନାୟକତ୍ୱ କରିବେ Suryakumar Yadav ଓ ପାକିସ୍ତାନ ଦଳକୁ ନେତୃତ୍ୱ ଦେବେ Salman Ali Agha। ଉଭୟ ଦଳ ଏହି ବିଶ୍ୱକପ୍ରେ ଏପର୍ଯ୍ୟନ୍ତ ଭଲ ପ୍ରଦର୍ଶନ କରିଛନ୍ତି ଏବଂ ଦୁଇଟି କରି ପ୍ରାରମ୍ଭିକ ମ୍ୟାଚ୍ ଜିତି ସ୍ୱାଭିମାନ ସହିତ ମାଇଦାନକୁ ଉତରୁଛନ୍ତି।
IND vs PAK ମ୍ୟାଚ୍ର ଲାଇଭ୍ ଟେଲିକାଷ୍ଟ Star Sports ନେଟୱାର୍କର ବିଭିନ୍ନ ଚ୍ୟାନେଲ୍ରେ ଦେଖିବାକୁ ମିଳିବ। ଏହି ଚ୍ୟାନେଲ୍ଗୁଡ଼ିକ ଦେୟଯୁକ୍ତ ଥିବାରୁ ଦେଖିବା ପାଇଁ ସବସ୍କ୍ରିପ୍ସନ୍ ଆବଶ୍ୟକ।ଅନଲାଇନ୍ ଲାଇଭ୍ ଷ୍ଟ୍ରିମିଂ JioHotstar ଆପ୍ରେ ଉପଲବ୍ଧ ହେବ। ଯଦି ଆପଣଙ୍କ ପାଖରେ JioHotstar ଆପ୍ ଅଛି ଓ ଯୋଗ୍ୟ ପ୍ଲାନ୍ ଅଛି, ତେବେ ଆପଣ ଡାଟା ବ୍ୟବହାର କରି ମ୍ୟାଚ୍ର ଲାଇଭ୍ ଷ୍ଟ୍ରିମିଂ ଦେଖିପାରିବେ। ଏହା ସହିତ DD Sports ଚ୍ୟାନେଲ୍ରେ ମଧ୍ୟ ମ୍ୟାଚ୍ର ସିଧା ପ୍ରସାରଣ ହେବ। ଯଦି ଆପଣଙ୍କର ଫ୍ରି-ଡିଶ୍ ସଂଯୋଗ ଅଛି, ତେବେ DD Sports ମାଧ୍ୟମରେ ଆପଣ ମାଗଣାରେ ଏହି ମହାମୁକାବିଲା ଦେଖିପାରିବେ। କଲମ୍ବୋରେ ହେବାକୁଥିବା ଏହି ମ୍ୟାଚ୍ କ୍ରିକେଟ୍ ଜଗତରେ ଆଉ ଏକ ସ୍ମରଣୀୟ ଅଧ୍ୟାୟ ଯୋଡ଼ିବାକୁ ପ୍ରସ୍ତୁତ।