ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ, ପଶ୍ଚିମବଙ୍ଗ ସରକାର ଭୋଟର ତାଲିକା ସଂଶୋଧନରେ ଅନିୟମିତତା ଅଭିଯୋଗରେ ଚାରି ଜଣ ଅଧିକାରୀଙ୍କୁ ନିଲମ୍ବିତ କରିଛନ୍ତି। ନିଲମ୍ବିତ ଅଧିକାରୀଙ୍କ ବିରୁଦ୍ଧରେ ବିଭାଗୀୟ କାର୍ୟ୍ୟାନୁଷ୍ଠାନ ଆରମ୍ଭ ହୋଇଛି, କିନ୍ତୁ ଏହି ଅଧିକାରୀଙ୍କ ବିରୁଦ୍ଧରେ କୌଣସି ଏଫଆଇଆର ପଞ୍ଜୀକୃତ ହୋଇନାହିଁ। ସରକାର କହିଛନ୍ତି ଯେ ଏହିପରି ଭାବରେ ନିର୍ବାଚନ କମିଶନ (ଇସି)ଙ୍କ ନିର୍ଦ୍ଦେଶ ଆଂଶିକ ଭାବରେ ପାଳନ କରାଯାଉଛି।
ମୁଖ୍ୟ ସଚିବ ମନୋଜ ପନ୍ତ ନୂଆଦିଲ୍ଲୀରେ ନିର୍ବାଚନ କମିଶନଙ୍କ ନିକଟରେ ହାଜର ହେବାର ମାତ୍ର ଗୋଟିଏ ସପ୍ତାହ ପରେ ଏହି ନିଲମ୍ବନ କରାଯାଇଛି। କମିଶନ ଅଗଷ୍ଟ ୨୧ ତାରିଖ ପର୍ୟ୍ୟନ୍ତ ଏକ ସମୟସୀମା ଧାର୍ୟ୍ୟ କରିଥିଲେ ଏବଂ ସେହି ଅଧିକାରୀମାନଙ୍କୁ ନିଲମ୍ବନ କରିବା ସହିତ ସେମାନଙ୍କ ବିରୁଦ୍ଧରେ ଏଫଆଇଆର ପଞ୍ଜିକରଣ କରିବାକୁ ନିର୍ଦ୍ଦେଶ ଦେଇଥିଲେ। ଅଧିକାରୀଙ୍କ ନିଲମ୍ବନ ସମ୍ପର୍କରେ ରାଜ୍ୟ ସଚିବାଳୟର ଜଣେ ଅଧିକାରୀ କହିଛନ୍ତି ଯେ ରାଜ୍ୟ ସରକାର ନିଲମ୍ବନ ଆଦେଶ ଉପରେ କାର୍ୟ୍ୟ କରିଛନ୍ତି ଏବଂ ବିଭାଗୀୟ କାର୍ୟ୍ୟାନୁଷ୍ଠାନ ମଧ୍ୟ ଆରମ୍ଭ କରିଛନ୍ତି। ସେ କହିଛନ୍ତି, କିନ୍ତୁ ଅଭିଯୁକ୍ତଙ୍କ ବିରୁଦ୍ଧରେ ଏପର୍ୟ୍ୟନ୍ତ କୌଣସି ଏଫଆଇଆର ପଞ୍ଜିକୃତ ହୋଇନାହିଁ।
ସୂଚନା ଅନୁଯାୟୀ, ବାରୁଇପୁର ପୂର୍ବ ଏବଂ ମୋଇନା ବିଧାନସଭା ନିର୍ବାଚନମଣ୍ଡଳୀର ଭୋଟର ତାଲିକାରେ ଅନିୟମିତତା ଅଭିଯୋଗ ପରେ ଅଧିକାରୀମାନଙ୍କୁ ନିଲମ୍ବିତ କରାଯାଇଛି। ସଚିବାଳୟ ଅଧିକାରୀ କହିଛନ୍ତି ଯେ ନିଲମ୍ବିତ ଅଧିକାରୀଙ୍କ ମଧ୍ୟରେ ଦକ୍ଷିଣ ୨୪ ପରଗନା ଏବଂ ପୂର୍ବ ମେଦନାପୁର ଜିଲ୍ଲାର ଦୁଇଜଣ ନିର୍ବାଚନ ପଞ୍ଜିକରଣ ଅଧିକାରୀ (ଋଜଙ) ଏବଂ ଦୁଇଜଣ ସହାୟକ ନିର୍ବାଚନ ପଞ୍ଜିକରଣ ଅଧିକାରୀ (ଇଋଜଙ) ଅନ୍ତର୍ଭୁକ୍ତ।