ପୁରୀ /ସଞ୍ଜୟ ମହାପାତ୍ର: ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି ବାଗେଶ୍ୱର ଧାମ୍ ର ବାବା ଧୀରେନ୍ଦ୍ର କ୍ରୀଷ୍ନା ଶାସ୍ମ୍ରୀ। କଡା ସୁରକ୍ଷା ମଧ୍ୟରେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ସେ ଦର୍ଶନ କରିଛନ୍ତି। ଶ୍ରୀମନ୍ଦିରକୁ ଯିବା ପୂର୍ବରୁ ବ୍ୟାରିକେଡରେ ଅପେକ୍ଷା କରିଥିବା ଭକ୍ତଙ୍କୁ ବାବା ଧୀରେନ୍ଦ୍ର କ୍ରୀଷ୍ନା ଶାସ୍ମ୍ରୀ ହାତ ହଲେଇ ଅଭିବାଦନ ଜଣାଇଥିଲେ। ସିଂହଦ୍ଵାର ନିକଟରେ ପହଞ୍ଚିବା ପରେ ବରିଷ୍ଠ ସେବାୟତ ମଧୁସୂଦନ ସିଂହାରୀ ତାଙ୍କୁ ମହାପ୍ରଭୁଙ୍କ ଖଣ୍ଡୁଆ ଦେଇ ଶ୍ରୀମନ୍ଦିର ଭିତରକୁ ପାଛୋଟି ନେଇଥିଲେ। ଶ୍ରୀମନ୍ଦିର ଭିତରେ ପ୍ରାୟ 20 ମିନିଟ୍ ବାଗେଶ୍ୱର ବାବା ଅତିବାହିତ କରିଥିଲେ। ଘଣ୍ଟିଦ୍ବାର ଦେଇ ସେ ପ୍ରବେଶ କରି ଜୟବିଜୟ ଦ୍ୱାର ନିକଟରେ ସେ ମହାପ୍ରଭୁଙ୍କ ଦର୍ଶନ କରିଥିଲେ। ପରେ ମା ବିମଳାଙ୍କ ମନ୍ଦିର,, କାନପତା ହନୁମାନଙ୍କ ମନ୍ଦିର,, ଲକ୍ଷ୍ମୀଙ୍କ ମନ୍ଦିରରେ ଦର୍ଶନ କରିବା ପରେ ମହାପ୍ରସାଦ ସେବନ କରିଥିଲେ। ଶ୍ରୀମନ୍ଦିରରୁ ଦର୍ଶନ ସାରି ପ୍ରତିକ୍ରିୟା ରଖିଛନ୍ତି ବାବା ଧୀରେନ୍ଦ୍ର କ୍ରୀଷ୍ନା ଶାସ୍ତ୍ରୀ। ହିନ୍ଦୁ ରାଷ୍ଟ୍ରକୁ ସଶକ୍ତ କରିବା ସହ ବିଶ୍ବର ମଙ୍ଗଳକାମନା ନେଇ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଥିଲେ। ମହାପ୍ରଭୁଙ୍କ ପ୍ରଚାରପ୍ରସାର ପାଇଁ ସେ ସବୁବେଳେ ଚେଷ୍ଟିତ ବୋଲି ନିଜ ପ୍ରତିକ୍ରିୟାରେ କହିବା ସହ ସମଗ୍ର ଦେଶରୁ ଗୋହତ୍ୟା ବନ୍ଦ କରାଯିବା ଆବଶ୍ୟକ ବୋଲି ସେ ନିଜ ପ୍ରତିକ୍ରିୟାରେ କହିଥିଲେ। ତେବେ ବାଗେଶ୍ବର ବାବାଙ୍କୁ ଦେଖିବା ପାଇଁ ଶ୍ରୀମନ୍ଦିର ଭିତରେ ଓ ବାହାରେ ପ୍ରବଳ ଭକ୍ତଙ୍କ ସମାଗମ ହୋଇଥିଲା। କଡ଼ା ସୁରକ୍ଷା ବଳୟ ମଧ୍ୟରେ ବାଗେଶ୍ବର ବାବା ମହାପ୍ରଭୁଙ୍କ ଦର୍ଶନ କରିଥିଲେ। ଗତକାଲି ସନ୍ଧ୍ୟାରେ ବାଗେଶ୍ଵର ବାବା ପୁରୀ ଆସି ଏକ ହୋଟେଲରେ ରାତ୍ରିଯାପନ କରିଥିବାବେଳେ ଆଜି ମହାପ୍ରଭୁଙ୍କ ଦର୍ଶନ କରି ନିଜକୁ ଭାଗ୍ୟବାନ ମନେ କରିଥିବା କହିଛନ୍ତି।
