ଟାଙ୍ଗୀ / ରାକେଶ କୁମାର ଜଗଦେବ : ସାରା ଦେଶରେ ଆଜି ପାଳନ ହେଉଛି ମର୍ଯ୍ୟାଦା ପୁରୁଷ ଶ୍ରୀରାମ ଚନ୍ଦ୍ରଙ୍କର ଜନ୍ମ ତିଥି । ସେଥିପାଇଁ ସାରା ଦେଶରେ ଜୟ ଶ୍ରୀରାମ ଧ୍ଵନି ରେ ମୁଖରିତ । ଏହି ଅବସରରେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଶ୍ରୀ ରଘୁନାଥ ଦେବଙ୍କ ମନ୍ଦିର ରେ ଆନନ୍ଦ ଉଲ୍ଲାସ ର ପାଳନ ହୋଇ ଯାଇଅଛି ଶ୍ରୀରାମ ଜୟନ୍ତୀ । ବଡି ଭୋର ସମୟରେ ଦ୍ୱାର ଫିଟା ନୀତି ସମ୍ପନ୍ନ ହେବାପରେ ପ୍ରଭୂ ଶ୍ରୀରାମ, ମାତା ସୀତା ଓ ଭ୍ରାତା ଲକ୍ଷ୍ମଣ ଙ୍କର ପ୍ରସ୍ତର ମୃର୍ତିକୁ ସ୍ନାନ ନୀତି କରାଯାଇ ନବ ବସ୍ତ୍ର ପରିଧାନ କରାଯାଇଥିଲା । ପରେ ଧୂପ ଦୀପ ନୈବେଦ୍ୟ ଅର୍ପଣ କରାଯାଇ ଶୁଖୁଲି ଭୋଗ ଲାଗି କରାଯାଇଛି । ଏହା ପରେ ପ୍ରଭୁ ଶ୍ରୀରାମ ଚନ୍ଦ୍ର , ମାତା ସୀତା ଓ ଭ୍ରାତା ଲକ୍ଷ୍ମଣ ଙ୍କୁ ଭକ୍ତ ମାନେ ଦର୍ଶନ କରୁଛନ୍ତି । ଗୋଟିଏ ସ୍ଥାନରେ ତିନି ମୂର୍ତ୍ତିଙ୍କୁ ଦର୍ଶନ କରି କୃତ୍ୟ କୃତ୍ୟ ଲାଭ କରୁଛନ୍ତି । ଏହା ସହ ଯେଉଁ ଭକ୍ତ ମାନେ ଶ୍ରୀରାମ ଚନ୍ଦ୍ରଙ୍କର ବ୍ରତ ପାଳନ କରିଛନ୍ତି ସେମାନେ ପ୍ରଭୁଙ୍କ ନିକଟରେ ଭୋଗ ଲାଗି କରିବା ପରେ ପ୍ରସାଦ ସେବନ କରି ବ୍ରତ ପାଳନ କରୁଛନ୍ତି । ଆଜି ଦିନ ସାରା ମନ୍ଦିର ରେ ଭକ୍ତ ମାନଙ୍କର ଗହଳ ଚହଳ ଲାଗି ରହିଛି । ଭକ୍ତଙ୍କର ଭିଡ଼କୁ ନଜରରେ ରଖି ଆଜି ସନ୍ଧ୍ୟା ରେ ଭକ୍ତ ମାନଙ୍କ ପାଇଁ ମନ୍ଦିର କମିଟି ପକ୍ଷରୁ ପ୍ରସାଦ ସେବନ ବ୍ୟବସ୍ଥା କରାଯାଇଅଛି ।
