ସେମିଳିଗୁଡା: ଦଂପତିଙ୍କ ଉପରେ ମାଡ଼ିଗଲା ହାଇୱା ଗାଡି। ଏ ଭଳି ଅଭାବିନୀୟ ଘଟଣା ଘଟିଛି କୋରାପୁଟ ଜିଲ୍ଲା ସେମିଳିଗୁଡ଼ା ନିକଟସ୍ଥ ପାକଝୋଲା ଛକରେ । ସୂଚନା ଅନୁସାରେ , କୋରାପୁଟ ଜିଲ୍ଲା କୁନ୍ଦୁଲି ଥାନା ଅନ୍ତର୍ଗତ କୁନ୍ଦୁଲି ଗାଁର ଦଂପତି ସଂଜୟ ସାଆନ୍ତା ଓ ପତ୍ନୀ ରଶ୍ମୀ ଖୀଲ ସେମିଲିଗୁଡ଼ାରୁ ନିଜ ଘର କୁନ୍ଦୁଲି ଅଭିମୁଖେ ଯାଉଥିଲେ।
ହାଇୱାକୁ ଓଭରଟେକ କରି ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲେ। ହାଇୱାର ଡ୍ରାଇଭର ଡାହାଣ ପାର୍ଶ୍ୱକୁ ମୋଡି ଦେବାରୁ ବାଇକ ଆରୋହୀ ଦଂପତିଙ୍କୁ ପ୍ରାୟ ୧୦ ମିଟର ଘୋଷାଡ଼ି ନେଇଥିଲା। ଫଳରେ ଘଟଣାସ୍ଥଳରେ ରଶ୍ମୀଙ୍କ ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଗୁରୁତରଙ୍କୁ ଉଦ୍ଧାର କରି କୋରାପୁଟସ୍ଥିତ ସହିଦ ଲକ୍ଷ୍ମଣ ନାୟକ ଭେଷେଜ ମହାବିଦ୍ୟାଳୟ ଓ ଡାକ୍ତରଖାନାକୁ ନେଇଥିଲେ। ଘଟଣା ସ୍ଥଳରେ ପୋଲିସ ପହଂଚି ଗାଡି ଓ ଡ୍ରାଇଭର କୁ ଅଟକ ରଖିଛି ।