ପହଲଗାମ ଆତଙ୍କୀ ଆକ୍ରମଣ ଘଟଣା ପରେ ବନ୍ଦ ହୋଇଛି ୪୮ଟି ପର୍ଯ୍ୟଟନ ସ୍ଥଳ । ବୈସରନରେ ୨୬ ଜଣ ସାଧାରଣ ନାଗରିକଙ୍କ ମୃତ୍ୟୁ ପରେ ସୁରକ୍ଷା ଚିନ୍ତା ମଧ୍ୟରେ ଗୋଟିଏ ସପ୍ତାହ ପରେ ସରକାର ଏପରି କାର୍ଯ୍ୟାନୁଷ୍ଠାନ ନେଇଛନ୍ତି । ବଡଗାମର ଦୁଧପତ୍ରି ଏବଂ ଅନନ୍ତନାଗର ଭେରିନାଗ ଭଳି ଅନେକ ପର୍ୟ୍ୟଟନ ସ୍ଥଳକୁ ମଧ୍ୟ ପର୍ୟ୍ୟଟକଙ୍କ ପାଇଁ ବନ୍ଦ୍ କରାଯାଇଛି। ହତ୍ୟାକାଣ୍ଡ ପରେ ଭୟଭୀତ ହୋଇ ପର୍ୟ୍ୟଟକମାନେ କେନ୍ଦ୍ର ଶାସିତ ଅଞ୍ଚଳ ଛାଡି ପଳାୟନ କରୁଛନ୍ତି। ଯେତେବେଳେ ଅନେକ ପର୍ୟ୍ୟଟକ ସେମାନଙ୍କର ଆଗାମୀ ପର୍ୟ୍ୟଟନ ବାତିଲ କରିଛନ୍ତି। ମାତ୍ର ଗୋଟିଏ ସପ୍ତାହ ପୂର୍ବରୁ, ପହଲଗାମ ସହରରେ ପର୍ୟ୍ୟଟକଙ୍କ ସହିତ ଏକ ଚଳଚଞ୍ଚଳ ବଜାର ଥିଲା। କିନ୍ତୁ ବର୍ତ୍ତମାନ ପର୍ୟ୍ୟଟକଙ୍କ ସଂଖ୍ୟାରେ ଯଥେଷ୍ଟ ହ୍ରାସ ଘଟିଛି।
ସ୍ଥାନୀୟ ଲୋକମାନେ ଭୟ କରୁଛନ୍ତି ଯେ ପର୍ୟ୍ୟଟନ ହ୍ରାସ ସେମାନଙ୍କ ଆୟ ଏବଂ ଜୀବିକାର ଉତ୍ସ ଉପରେ ଏକ ବଡ଼ ପ୍ରଭାବ ପକାଇବ। ସେମାନେ ଆତଙ୍କୀ ଆକ୍ରମଣକୁ ନିନ୍ଦା କରି ପ୍ରତିବାଦ ମଧ୍ୟ କରିଛନ୍ତି, ପୀଡିତଙ୍କ ସହିତ ଏକତା ଜାହିର କରିଛନ୍ତି। ଆତଙ୍କବାଦ ବିରୁଦ୍ଧରେ ନିର୍ଣ୍ଣାୟକ କାର୍ୟ୍ୟାନୁଷ୍ଠାନ ପାଇଁ ଆହ୍ୱାନ ଦେଇ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କହିଛନ୍ତି ଯେ କାଶ୍ମୀରର ଲୋକମାନେ ନିର୍ଦ୍ଦୋଷ ଲୋକଙ୍କ ହତ୍ୟା ବିରୋଧରେ ଖୋଲାଖୋଲି ଭାବରେ ବାହାରିଛନ୍ତି ଏବଂ ଲୋକଙ୍କୁ ବିଚ୍ଛିନ୍ନ କରୁଥିବା ଯେକୌଣସି ଭୁଲ କାର୍ୟ୍ୟକୁ ଏଡାଇବା ଉଚିତ।
