ମଣିପୁର: ମଣିପୁରରେ ଥମୁନି ହିଂସା । ଜଳୁଛି ପୂରା ସହର । ଗତକାଲି ରାତିରେ ହିଂସାକାଣ୍ଡରେ ମଣିପୁରରେ 3ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଅନେକ ଘରେ ନିଆଁ ଲାଗିଛି । ଏହାପରେ ଆହୁରି ଉତ୍ତେଜନାପୂର୍ଣ୍ଣ ରହିଛି ପୂରା ରାଜ୍ୟ । ବିଷ୍ଣୁପୁରର କ୍ବାଟ୍ବା ଅଞ୍ଚଳରେ ଜୋରଦାର ଫାୟାରିଂ ହୋଇଛି । ଏହାର ଜବାବରେ ମଧ୍ୟ ପୋଲିସ ପକ୍ଷରୁ ଫାୟାରିଂ କରାଯାଇଛି । ପାହାଡି ଇଲାକାରୁ ଏହି ଗୁଳିକାଣ୍ଡ କରାଯାଉଛି । ଏପରିକି ପାହାଡି ଅଞ୍ଚଳରୁ ବୋମାମାଡ ଓ ଡ୍ରୋନ ଜରିଆରେ ମଧ୍ୟ ଆକ୍ରମଣ କରାଯାଉଛି । ମଣିପୁର ପୋଲିସ, ସିଡିଓ ଓ କମାଣ୍ଡୋ ମାନେ ମୁତୟନ ହୋଇଥିବା ବେଳେ ସେମାନେ ଏହି ଆକ୍ରମଣର ଜବାବ୍ ଦେଉଛନ୍ତି । ତେବେ ଗତକାଲି ରାତିରେ ବିଷ୍ଣୁପୁରରେ 3ଜଣ ସ୍ଥାନୀୟ ଲୋକଙ୍କ ହତ୍ୟା ପରେ ପରିସ୍ଥିତି ସଙ୍ଗୀନ ରହିଛି । ମୁଖ୍ୟତଃ ପୋଲିସ ଓ ସ୍ଥାନୀୟ ଗ୍ରାମବାସୀଙ୍କୁ ଟାର୍ଗେଟ କରୁଛନ୍ତି ଉଗ୍ରବାଦୀ । ଗାଁ ଗୁଡିକୁ ଧରାଶାୟୀ କରିବାକୁ ଉଦ୍ୟମ କରୁଛନ୍ତି ଉଗ୍ରବାଦୀ । ତେବେ ସୀମାନ୍ତ ସହ ଉତ୍ତେଜନାପୂର୍ଣ୍ଣ ସ୍ଥାନରେ କମାଣ୍ଡୋମାନେ ସ୍ଥିତି ଉପରେ ନଜର ରଖିଛନ୍ତି ।
