କନ୍ଧମାଳ: କନ୍ଧମାଳ ଜିଲ୍ଲା ବେଲଘର ଥାନା ଲଙ୍କାଗଡ ପଂଚାୟତର ଗହିଲି ଗାଁ ନିକଟସ୍ଥ ଜଙ୍ଗଲରେ ଗୋଟିଏ ଆଇ.ଇ.ଡି ବୋମା ଠାବ କଲା ସିଆରପିଏଫ ୧୨୭ ବାଟାଲିୟନ । ଆଇ. ଇ. ଡି ବୋମା ଥିବା ସୂଚନା ପରେ ସିଆରପିଏଫ ୧୨୭ ବାଟାଲିୟନ କମାଣ୍ଡାଣ୍ଟ ଆନନ୍ଦ ଝାଙ୍କ ନିର୍ଦ୍ଧେଶ କ୍ରମେ ଗହିଲି ଜଙ୍ଗଲରେ ସିଆରପିଏଫ ପକ୍ଷରୁ ଅପରେସନ ଜାରୀ କରାଯାଇଥିଲା । ସନ୍ଧାନୀ କୁକୁର ” ଡ୍ୟୁକ “ଓ ବୋମା ନିଷ୍କ୍ରିୟ ଟିମ ଦ୍ୱାରା ଉକ୍ତ ଗହିଲି ଗ୍ରାମରୁ ଏକ କିଲୋମିଟର ଦୂରରେ ଥିବା ଜଙ୍ଗଲରେ ଆଇ.ଇ.ଡି ବୋମାକୁ ନଷ୍ଟ କରାଗଲା ।
ନଷ୍ଟ ହୋଇଥିବା ବୋମା ୫ରୁ ୬ କେଜିର ହୋଇଥିବା ସିଆରପିଏଫ କମାଣ୍ଡାଣ୍ଟ ଆନନ୍ଦ ଝା ସୂଚନା ଦେଇଛନ୍ତି । ତେବେ ସୂଚନା ଅନୁଯାୟୀ ଗତକାଲି ଜଣେ ଅଜ୍ଞାତ ବ୍ୟକ୍ତି ବ୍ୟାଗରେ କିଛି ଜିନିଷ ଧରି ବେଲଘର ଥାନା ଲଙ୍କାଗଡ ପଂଚାୟତର ଗହିଲି ଗ୍ରାମ ଆଡ଼କୁ ଯାଉଥିବା ସିଆରପିଏଫ ବିଶେଷ ସୂତ୍ରରୁ ଖବର ପାଇଥିଲା । ପରେ କମାଣ୍ଡାଣ୍ଟ ଆନନ୍ଦ ଝାଙ୍କ ନେତୃତ୍ୱରେ ସିଆରପିଏଫର ଏକ ଟିମ ଉକ୍ତ ଗହିଲି ଜଙ୍ଗଲରେ ଅନୁସନ୍ଧାନ କରିଥିଲା ।