ମୁମ୍ବାଇ: ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଫିଲ୍ମ ‘ଦ କାଶ୍ମୀର ଫାଇଲ୍ସ’ ବକ୍ସ ଅଫିସରେ ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି। ଏହି ଚଳଚ୍ଚିତ୍ରଟି ପ୍ରଥମ ସପ୍ତାହରେ ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗିଛି | ତେବେ ଅନ୍ୟ ଏକ ରୋଚକ କଥା ଏହିକ ଯେ, ଏହି ଚଳଚ୍ଚିତ୍ର ସାମ୍ନାରେ ପ୍ରଭାସଙ୍କ ରାଧେ ଶ୍ୟାମ ମଧ୍ୟ ଦର୍ଶକଙ୍କ ସାମ୍ନାରେ ଫିକା ପଡ଼ିଯାଇଛି। ଯଦି ଏହି ଚଳଚ୍ଚିତ୍ର ଏପର୍ଯ୍ୟନ୍ତ ରିଲିଜ୍ ହୋଇନଥାନ୍ତା, ତେବେ ବାହୁବଳୀ ଷ୍ଟାର ପ୍ରଭାସ ଏହି ସମୟରେ ସବୁଆଡେ ଆଲୋଚନା କେନ୍ଦ୍ରବିନ୍ଦୁ ପାଲଟିଥାନ୍ତେ କିନ୍ତୁ ବର୍ତ୍ତମାନ ‘ଦ କାଶ୍ମୀର ଫାଇଲ୍ସ’ ଦର୍ଶକଙ୍କ ହୃଦୟ ଜିତିଛି |
ଫିଲ୍ମର ପବ୍ଲିସିଟି ଏତେ ମାତ୍ରାରେ ବଢ଼ିବାରେ ଲାଗିଛି ଯେ, ଏହି ଫିଲ୍ମ ଦେଖି ଦର୍ଶକ ଅଧିକରୁ ଅଧିକ ପ୍ରଭାବିତ ହେବାରେ ଲାଗିଛନ୍ତି | ଷଷ୍ଠ ଦିନରେ ଏହି ଚଳଚ୍ଚିତ୍ରଟି ସର୍ବାଧିକ ରୋଜଗାର କରିଛି | ଏହି ଫିଲ୍ମଟି ମାର୍ଚ୍ଚ ୧୧ ତାରିଖରେ ମୁକ୍ତିଲାଭ କରିଥିଲା | ୧୯୯୦ ଦଶକର କାଶ୍ମୀର ବିଦ୍ରୋହ ସମୟରେ କାଶ୍ମୀରୀ ହିନ୍ଦୁମାନଙ୍କ ପ୍ରତି ହୋଇଥିବା ଅତ୍ୟାଚାର ଏବଂ ହତ୍ୟାକାଣ୍ଡର ଘଟଣାକୁ ଏହି ଫିଲ୍ମରେ ଦର୍ଶାଯାଇଛି। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅନୁପମ ଖେର, ଦର୍ଶନ କୁମାର, ମିଥୁନ ଚକ୍ରବର୍ତ୍ତୀ ଏବଂ ପଲ୍ଲଭି ଯୋଶୀ ପ୍ରମୁଖ ଅଭିନୟ କରିଛନ୍ତି।
- ୧୦୦ କୋଟି କ୍ଲବରେ ଏଣ୍ଟ୍ରି
ସୂଚନା ଅନୁଯାୟୀ, ‘ଦ କାଶ୍ମୀର ଫାଇଲ୍ସ’ର ପଞ୍ଚମ ଦିନର ବକ୍ସ ଅଫିସ କଲେକ୍ସନ ୧୮ କୋଟି ଟଙ୍କା ହୋଇଥିବା ସମୟରେ ଆଜି କିନ୍ତୁ ଷଷ୍ଠ ଦିନରେ ନିଜର ସବୁ ରେକର୍ଡ ଭାଙ୍ଗିଛି ଏହି ଫିଲ୍ମ | ପ୍ରାରମ୍ଭିକ ଆକଳନ ଅନୁଯାୟୀ, ଷଷ୍ଠ ଦିନରେ ଫିଲ୍ମ ୧୯.୩୦ କୋଟି ଟଙ୍କା ରୋଜଗାର କରିଛି | ଅର୍ଥାତ୍ ବର୍ତ୍ତମାନ ଫିଲ୍ମର ମୋଟ ବକ୍ସ ଅଫିସ୍ ସଂଗ୍ରହ ୭୯.୫୦ କୋଟି ଟଙ୍କାକୁ ବୃଦ୍ଧି ପାଇଛି | ବିବେକ ଅଗ୍ନିହୋତ୍ରୀଙ୍କ ଆଶା ଅନୁଯାୟୀ, ଚଳଚ୍ଚିତ୍ରର ଦ୍ୱିତୀୟ ସପ୍ତାହ ବକ୍ସ ଅଫିସ କଲେକ୍ସନ ଏହି ସପ୍ତାହର କଲେକ୍ସନର ଆୟଠାରୁ ଅଧିକ ହେବ ବୋଲି ଆଶା କରାଯାଉଛି | ସେ କହିଛନ୍ତି, ଆମେ ନିଶ୍ଚିତ ଯେ ଏହା ଶୀଘ୍ର ୧୦୦ କୋଟି ଟଙ୍କା କ୍ଲବରେ ପ୍ରବେଶ କରିବ |
- ଫିଲ୍ମ ଭାଙ୍ଗିଲା ସବୁ ରେକର୍ଡ
‘ଦ କାଶ୍ମୀର ଫାଇଲ୍ସ’ର ସଫଳତାକୁ ଦେଖି ଏହା କହିବା ଅତ୍ୟୁକ୍ତି ହେବନି ଯେ ବକ୍ସ ଅଫିସରେ ଏହା ସବୁ ରେକର୍ଡ ଭାଙ୍ଗି ଦେଇଛି | ଏହି ଫିଲ୍ମର ଷଷ୍ଠ ଦିନରେ କଲେକ୍ସନ ଦୃଷ୍ଟିରୁ ଅନେକ ବଡ ଚଳଚ୍ଚିତ୍ରକୁ ଏହି ଫିଲ୍ମ ଧୂଳି ଚଟାଇ ଦେଇଛି | ‘କାଶ୍ମୀର ଫାଇଲ୍ସ’ ସୂର୍ଯ୍ୟଭନ୍ସି (୯.୫୫ କୋଟି), ଗାଙ୍ଗୁବାଇର କାଠିଆୱାଡି (୬.୨୧ କୋଟି), ଫିଲ୍ମ 83 (୫.୬୭ କୋଟି) ଏହି ସବୁ ଫିଲ୍ମର ଷଷ୍ଠ ଦିନର କଲେକ୍ସନ ରେକର୍ଡ଼କୁ ଭାଙ୍ଗିଛି |
ତେବେ ଫିଲ୍ମ ବିଷୟରେ ଲୋକଙ୍କ ଉତ୍ସାହ ଧିରେ ଧିରେ ବଢ଼ିବାରେ ଲାଗିଛି | ଏହି ଫିଲ୍ମଟି ୱର୍କିଙ୍ଗ ଡେ’ରେ ମଧ୍ୟ ଏତେ ଭଲ କଲେକ୍ସନ କରିଛି ଯାହା ଦର୍ଶକଙ୍କୁ ବାରମ୍ବାର ଏହି ଫିଲ୍ମ ଦେଖିବାକୁ ବାଧ୍ୟ କରୁଛି | ତେବେ ଦର୍ଶକଙ୍କ କହିବା ଅନୁଯାୟୀ, ଖୁବ ଶୀଘ୍ର ଏହି ଫିଲ୍ମ ବକ୍ସ ଅଫିସର ସବୁ ରେକର୍ଡ଼ ବ୍ରେକ କରିବ